Epıdemııanyń ekpinin basýǵa bolady

Ahýal baqylaýǵa alyna bastady

Otyrysta atap kórse­til­gen­deı, elimizde epıdemııa­lyq jaǵ­daı birshama turaqtala bastady. Respýblıka boıynsha koronavırýs juqtyrǵandardyń ósimi 2,1 %-dy quraıdy, eń tómengi ósim Shymkent qalasynda, táýligine – 1%, odan keıingi kórsetkishter Qy­zylorda oblysynda – 0,9%, Túr­kistan oblysynda – 0,8%, Aq­tóbe oblysynda – 0,5% tir­keldi.

Respýblıka boıynsha naý­qas­tar­ǵa arnalǵan tósektik oryn qory 30,4 myńnan 49,7 myń tósektik oryn­ǵa deıin ulǵaı­tyldy. Bos emes pro­vızorlyq tósektik oryndar 20%-ǵa (89%-dan 69%-ǵa deıin), bos emes reanımasııalyq tósektik oryn 6%-ǵa (73%-dan 67%-ǵa deıin) azaıdy. Covid-ten saýyǵyp ket­kenderdiń sany 60%-ǵa ósti, jedel járdemdi shaqyrýlar sany 23%-ǵa tómendedi.

Ambýlatorlyq deńgeıde úıde medısınalyq kómek kórsetý úshin 2962 BMSK mobıldi brıgadasy quryldy. Osy aıdyń sońyna deıin mundaı brıgadalar sany 3500-ge jetýge tıis.

Densaýlyq saqtaý mınıstri Alekseı Soı aıtqandaı, búgingi tańda ınfeksııalyq jáne pro­vı­zorlyq stasıonarlarda 1958 О́JJ apparaty bar, oǵan qo­sym­sha 4183 apparat satyp alynady. 21 myńnan astam tósektik oryn­ ottegige, 6237 oryn ottegi kon­sentratorlarynyń esebinen qo­sylady. Búginde PTR-testileýdiń qýaty táýligine – 32 myń. 1 ta­myz­ǵa qaraı bul kórsetkish táýligine 35,6 myńǵa deıin, qyrkúıekte 64 myńǵa deıin kóbeımek.

Elimizde 59 memlekettik jáne jeke zerthana bar. Bir ret paıdalanylatyn medısınalyq úsh qabatty betperdeniń shek­ti bólshek baǵasy 28%-ǵa tómen­de­tildi. Birin­shi jeli qyz­met­ker­leriniń (me­dısına jáne quqyq qorǵaý or­gandarynyń qyz­met­kerleri) tamyz aıyn qosa alǵanda jeke qor­ǵanysh qu­ral­darynyń rezervi qalyp­tasty. Úkimet re­zer­vinen osy­ maq­sattarǵa 7,2 mlrd teńge bólindi.

«Sonyń aıasynda 41 mln betperde, 27 mln qolǵap jáne 379 myń qorǵanysh kostıým, sondaı-aq 1,2 mln PTR testi satyp alynady. Jeke qorǵanysh quraldarynyń osy rezervi qyrkúıekten bastap 2021 jylǵy aqpanǵa deıin jasalady», dedi mınıstr.

A.Soı atap ótkendeı, Mem­le­ket basshysy aýyldaǵy jaǵdaıdy jaqsartý sharalaryn ázirleýdi tapsyrdy. Koronavırýs ınfeksııasyna PTR rastaǵan jáne pnevmonııamen syrqattanǵan pasıentterge medısınalyq kómek kór­setý úshin aýyl deńgeıinde 2,5 myń ınfeksııalyq jáne 11 myń provızorlyq tósektik oryn qa­rastyryldy. Ambýlatorlyq kó­mek kórsetý úshin aýylda 1493 mo­bıldi brıgada qurylady, bul qa­jettiliktiń 94%-yn óteýge tıis. Aýyldarda 641 jedel járdem mashınasy bar.

Nur-Sultan ákimi Altaı Kól­­ginov óz kezeginde qatań karan­tındi engizý nátıjesinde elordada jaǵdaı turaqtala bastaǵanyn atap ótti. Bas qalada koronavırýs juqtyrǵandardyń sany – 8 619 adam, 5 511 adam emdeldi, 212 adam kóz jumǵan, 2 262 adam stasıonarda em alyp jatyr. Aýyr haldegi naýqastar sany 30%-ǵa tómendedi. Stasıo­nar­lar 16-ǵa jetti. Tósektik oryn 1 051-den 3 911 orynǵa kóbeıdi. Rezervte 1myńǵa jýyq oryn bar.

«Eger karantın basynda kúni­ne 300 test ótkizgen bir ǵana zerthana bolsa, qazir kúnine 5 myńǵa deıin test ótkizetin 9 zerthana jumys isteıdi», dedi ol.

Shymkent qalasynyń áki­mi­ Mu­rat Áıtenov shaharda COVID-19 vırýsyn juqtyrǵan aza­­mat­­tar­dyń sany 4 453 bolǵa­nyn aıtty.

«Infeksııalyq jáne pro­vı­zorlyq stasıonarlarda qysqa mer­zimde qosymsha 3 050 tósektik oryn­ ashylyp, jalpy sany ­3 860-qa­ jetti. 151 reanımasııalyq tó­sektik oryn bar», dedi ol.

Shymkent qalasynyń emhanalary úshin 58 О́JJ apparaty, 250 «Bobrov» tynys alý apparaty jáne 26 reanımasııalyq monıtor alyndy. Ákimniń habarlaýynsha, reanımasııalyq orynnyń 88,7%-y nemese 134-i О́JJ apparatymen qamtylǵan.

Qaraǵandy oblysynyń ákimi Jeńis Qasymbek jedel jaǵdaı boıynsha 21 shildede oblys stasıonarlarynda 2 520 naýqas em­de­lýdi jalǵastyryp jatqanyn baıandady.

«Sońǵy 2 aptadaǵy taldaý jalpy epıdemııalyq jaǵdaıdyń jaqsarǵanyn kórsetedi. Qazir emdelip shyqqan pasıentterdiń sany emdeýge jatqyzylǵandardan joǵary. Tósektik oryn júktemesi 50%-ǵa azaıdy. 2 apta buryn bul kórsetkish 80% bolǵan edi», dedi J.Qasymbek.

Aqtóbe oblysynyń ákimi Ońdasyn Orazalın 21 shildede oblysta 2 753 jaǵdaı tirkelgenin habarlady.

«Jalpy pandemııa bastalǵan­nan beri tósektik oryn 4 esege jýyq ósti. Búgingi tańda óńir boıynsha bir mezgilde 3 988 adamdy orna­las­tyrýǵa múmkindik bar, onyń 337-si ınfeksııalyq, 2 636-sy – pro­vızorlyq, 1 015-i rezervtik tósektik oryn. Búgingi tańda 1 173 bos oryn bar», dedi O.Orazalın.

Taqyrypty qorytyndylaǵan Úkimet basshysy ákimdikterge, Densaýlyq saqtaý men Indýstrııa jáne ınfraqurylymdyq damý mınıstrlikterine óńirlerdegi aýrýhanalardy О́JJ apparatymen tamyzdyń sońyna deıin tolyq qamtamasyz etýdi tapsyrdy.

Densaýlyq saqtaý mınıstr­ligine ákimdiktermen jáne Aýyl sharýashylyǵy mınıstrligimen birge shildeniń sońyna deıin óńir­lerde veterınarlyq zerthanalar bazasynda PTR-testileý jónin­degi jumysty uıymdastyrý jáne kadrlarmen jasaqtaýdy qamtamasyz etý, ákimdikterge analızderdi óńirlerdiń zerthanalaryna jetkizýdiń tıimdi logıs­tıkasyn pysyqtaý tapsyryldy.

Premer-Mınıstr Indýstrııa jáne ınfraqurylymdyq damý, Den­saýlyq saqtaý jáne Qarjy mınıstrlikterine shuǵyl túrde óńirlerdi kóshpeli dıagnos­tıkalyq keshendermen, aýdandyq aýrýhanalardy otandyq óndiris­tiń sıfrly rentgen apparattarymen jaraqtandyrý máselesin jedel sheshýdi, eki apta ishinde ottegi konsentratorlary men medısınalyq gazdardy óńirlerge tolyq jetkizýdi qamtamasyz etý jóninde tapsyrma berdi. «SQ Far­masııa» shilde aıynyń sońyna deıin dári-dármek satyp alyp, óńirlerge bir aıǵa jetetin­deı kólemde bólý, sondaı-aq olardyń suranysyn jospar­laý­dyń naqty júıesin belgileýi tıis.

Premer-Mınıstr sonymen qatar Almaty, Nur-Sultan qala­lary men Aqtóbe oblysynyń úlgisi boıynsha ár óńirdegi Turaq­­tandyrý qorlarynda dári­lik zattar men medısınalyq buıym­dardyń qoryn jasaýdy min­dettedi.

«Qarapaıym zattar ekonomıkasy» qaı deńgeıde?

Selektorlyq otyrysta «Qa­ra­­paıym zattar ekonomıkasy» baǵdarlamasynyń aıasynda jer­gilikti qamtýdy damytý máselesi de qaraldy. Osy baǵytta júr­gi­zilip jatqan jumys týraly «Ata­meken» UKP basqarma tóraǵasy A.Myrzahmetov, «Qara­paıym zattar ekonomıkasy» baǵ­dar­la­masy aıasynda ekinshi deń­geıli bankterdiń bıznes prosesin ońtaı­landyrý týraly Qazaqstan qarjygerleri qaýymdastyǵy keńesiniń tóraıymy E.Bah­mý­tova, qurylystaǵy qazaqstan­dyq qamtýdy damytý týraly In­­dýs­trııa jáne ınfraqury­lym­­dyq damý mınıstri B.Atam­qu­lov, retteletin satyp alý­lar­­da­ǵy jergilikti qam­tý­dyń tıim­di­ligin arttyrý jó­nindegi shara­lar jaıly Qarjy mınıstri E.Ja­maý­baev, «Samu­ryq-Qazyna» UÁQ satyp alý­lar­yndaǵy jergilikti qamtý týraly qordyń basqarma tóraǵasy A. Esimov baıandady.

«Qarapaıym zattar ekono­mı­kasy» baǵdarlamasynyń sheń­berinde 491,5 mlrd teńgege 2 myńnan asa joba maquldandy. Almaty, Qaraǵandy, Qostanaı oblystary qazaqstandyq qamtý boıynsha úzdik óńirler bolyp otyr. Aqmola, Atyraý, Jambyl, Mańǵystaý oblystary, Nur-Sultan, Shymkent qalalary artta qalýda. Qurylys salasynyń qarqyndy damýy arqyly sońǵy 10 jylda qurylys materıaldaryn óndirý kólemi 3,3 esege – 176 mlrd teńgeden 586 mlrd teńgege deıin artty.

Indýstrııa jáne ınfraqu­ry­lymdyq damý mınıstri habar­la­ǵandaı, qurylys materıaldary ındýstrııasy qarqyndy damyp keledi. Sektordyń óńdeýshi ónerkásiptegi úlesi – 6%. Búgingi tańda respýblıkada qurylys ónimderin 1965 kásiporyn óndi­redi. Onda 29 myńnan astam adam jumys isteıdi. Monıtorıng de­rekteri boıynsha jumys istep turǵan kásiporyndardyń ortasha jyldyq júkteme qýaty – 56%.

«Qurylys salasynyń damýy­na oraı, qurylys ónimderine qajettilik te artyp keledi. Eli­mizde sońǵy 11 jylda qurylys jumystarynyń kólemi 2,5 esege (1,7 trln teńgeden 4,4 trln teńgege deıin) ósti. Qurylys salasynyń ósimi «Nurly jer», «Nurly jol», IID MB, «Jumyspen qamtýdyń jol kartasy» aıasynda aýqymdy ınvestısııalarǵa, iri áleýmettik-mádenı sharalardy iske asyrýǵa negizdelgen», dedi B.Atamqulov.

Búgingi tańda qurylys ın­dýs­­trııa­synyń damýyn tejep otyrǵan ózekti máseleler de bar. Ol: keıbir ımporttyq qury­lys materıaldardyń kóptigi; ón­diristik qýattardyń tolyq júk­telmeýi; ónimdi ótkizý kepildiginiń joqtyǵy; saýda alańdary týraly aqparattandyrýdyń tómendigi.

«Otandyq kásiporyndar 586 mlrd teńgege qurylys materıa­lyn óndirse, 348 mlrd teń­gege ımporttaıdy. Naryq suran­y­syn qamtamasyz etý úshin 33 ja­ńa joba iske asyrylýda. Onyń 8-i ımport almastyrýǵa baǵyt­ta­lady. Osy jobalardy iske asy­rý nátıjesinde ımport úlesin 15%-ǵa tómendetý jáne tur­ǵyn úı qurylysynda otandyq ónim­derdi qoldanýdy 90%-ǵa artty­rý jos­parlanyp otyr», dedi mınıstr.

Elde qurylys materıal­dary­nyń kópshiligi óndiriledi. Biraq naryqtyń suranysyn tolyq jaba almaıdy. «Bıyl biz qurylys materıalynyń 5 túrin (shyny, polıetılen qubyr, qurǵaq qury­lys qospalary, armatýra, keramı­kalyq taqtaısha) óndirý boıyn­sha ımport almastyratyn 8 jo­bany iske qosýdy josparlap otyrmyz. Olardyń óndiris kólemi 103 mlrd teńgeni quraıdy. Bul jobalar ishki naryqtaǵy ımport úlesin 15%-ǵa tómendetedi», dedi B.Atamqulov.

Máseleni túıindegen Úkimet basshysy rásimdik tosqaýyldardy joıý boıynsha Qarjy naryǵyn retteý jáne damytý agenttigine Qarjygerler qaýymdastyǵymen jáne ekinshi deńgeıli banktermen birlesip «Qarapaıym zattar ekonomıkasy» baǵdarlamasy boıynsha bankterdiń bıznes prosesin ońtaılandyrýdy – nesıe ótinimderin qaraý merzimin, qujattar tizbesin qysqartý jáne kepil saıasatyn jeńildetý múmkindigin qarastyrýdy tapsyrdy.

Qurylys salasynda da jergi­likti qamtý úlesin arttyrý maq­satynda Úkimet basshysy In­dýstrııa jáne ınfraqurylymdyq damý mınıstrligine barlyq ta­raptardyń jaýapkershiligin kúsheıtý jónindegi tıisti zań­namalyq jáne normatıvtik óz­geristerdi pysyqtaýdy júktedi.

Premer-Mınıstr Qarjy mınıstr­ligine «Atameken» UKP jáne múddeli memlekettik organ­darmen birlesip bir apta mer­zimde otandyq taýar óndirýshi­lerdiń memlekettik jáne kvazı­mem­lekettik sektordyń satyp alýyna qatysýyna kedergi keltiretin bar­lyq júıelik tosqaýyldardy joıý jónindegi is-qımyl algorıtmin daıyndaýdy tapsyrdy.

A.Mamın Memleket basshy­synyń tapsyrmasy boıynsha bıznestiń qarsy mindettemelerin sıfrlyq baqylaý jumysyn eki aı ishinde aıaqtaý qajettigin atap ótip, osyǵan baılanysty mem­lekettik qoldaýdyń ár shara­sy boıynsha tıisti zańnama­lyq túzetýler paketin daıyndaý­dy tapsyrdy. Bul rette «Ata­me­ken» UKP sıfrlyq platfor­masynyń bazasynda bıznestiń min­det­temelerine monıtorıng júrgizý jónindegi qanatqaqty joba iske qosylatyn bolady.