Nur-Sultan qalalyq ákimdiginiń Instagram jelisindegi resmı paraqshasynda jumyspen qamtý máseleleri týraly kezekti tikeleı efır ótti. Suraqtarǵa Jumyspen qamtý ortalyǵynyń jumyspen qamtýǵa kómek kórsetý bóliminiń basshysy Azamat Baıtasov jaýap berdi. Bul týraly qala ákimdiginiń baspasóz qyzmeti habarlaıdy, dep jazady Egemen.kz
"Qazir jumyspen qamtý ortalyǵyna kelýdiń, tirkelýdiń qajeti joq. Ortalyq usynatyn barlyq qyzmet onlaın rejimde ótedi. 57-88-88 telefony arqyly baılanysýǵa bolady. Qońyraý shalyp, qajetti qyzmetti tańdap, ótinim qaldyryńyz. Sodan keıin bizdiń mamandar sizge qońyraý shalyp, ótinim boıynsha jumys isteıdi. Jumyssyzdardy tirkeý jáne jumysqa ornalastyrý úshin bizde tórt qalalyq telefon: 95-44-20, 57-86-19, 72-93-57 jáne 72-93-50, sondaı-aq eki uıaly telefon: 8-777-116-82-76 jáne 8-777-116-82-73. Oqý jáne grant bólý boıynsha myna telefondarǵa habarlasyńyz: 95-44-24, 95-44-16, 95-44-18, uıaly telefon: 8-702-513-61-19. Tolyq aqparatty jumyspen qamtý ortalyǵynyń cz.astana.kz saıtynan alýǵa bolady", dep túsindirdi A.Baıtasov.
Sondaı-aq ol jumysqa ornalasqysy keletinderge kóptegen bos jumys orny bar ekenin aıtty. Jumysshylar, qurylysshylar, júrgizýshiler, merchendaızerler suranysqa ıe. Esterińizge sala keteıik, tek "Jumyspen qamtýdyń jol kartasy – 2020-2021" baǵdarlamasy boıynsha qazirgi ýaqytta shamamen 3 myń maman qajet. Sonymen qatar stýdentter jumysqa ornalasa alady. Jumyspen qamtý ortalyǵy qyzmetkerleri bos jumys ornyn tabýǵa kómektesý úshin jumyssyz retinde tirkelý kerek.
"Jumyssyz retinde tirkelý úshin jumyspen qamtý ortalyǵynyń call-ortalyǵyna 57-88-88 telefony arqyly habarlasý kerek. Onda siz ótinimdi, ıaǵnı tegińiz, atyńyz, ákeńizdiń aty, JSN jáne telefon nómirin qaldyrasyz. Sodan keıin bizdiń mamandar sizge qońyraý shalyp, qujattardy suraıdy: sizde dıplom, eńbek kitapshasy, anyqtama jáne qalada tirkeý bolýy kerek. Biz sizdi tek osy jaǵdaıda tirkeımiz", deıdi A.Baıtasov.
Onyń aıtýynsha, jumyssyzdarǵa járdemaqy jarnalary men saqtandyrý qoryna qatysý mólsherine baılanysty taǵaıyndalady. Osy jáne ózge de suraqtarǵa tolyǵyraq jaýapty Nur-Sultan qalalyq ákimdiginiń Instagram-daǵy resmı paraqshasynan tikeleı efırde kóre alady.