Aqtóbe oblysy Polısııa departamenti men ardagerler keńesi udaıy IIM ardagerlerine qamqorlyq kórsetip keledi. Bul týraly Polisia.kz habarlaıdy, dep jazady Egemen.kz
Polısııa qyzmetkerleri mereıtoılar men estelik kúnderdi umytpaıdy, qazirgi pandemııa ýaqytynda ardagerlerdiń jaǵdaılaryna alańdap, moraldyq turǵyda qoldaý kórsetedi, sondaı-aq osy kúrdeli kezeńde oryn alǵan máselelerdi sheshýge kómektesedi.
О́z kezeginde otstavkadaǵy kóptegen polısııa qyzmetkerleri jumysqa jańadan at basyn burǵan jas mamandarǵa óz tájirıbesimen, estelikterimen bólisip, tálimger bolady. 24 shilde kúni PD bastyǵynyń birinshi orynbasary Qanat Álıev pen ardagerler keńesiniń tóraǵasy Ǵalym Dáýletalın IIO-nyń tórt ardagerin "IIM qurmetti ardageri" tósbelgisimen marapattady.
Ardagerler uıymdarynyń jumysyna qosqan úlesi, jas qyzmetkerlerdi qazaqstandyq patrıotızm rýhynda tárbıelegeni, olardyń kásibı sheberligin arttyrǵany úshin otstavkadaǵy mılısııa polkovnıgi Merýert Abdýgalıevna Mýsına, mılısııa podpolkovnıgi Nabat Rashıtuly Qarabekov, mılısııa maıory Orazǵalı Qanafııauly Qaıypov, polısııa kapıtany Qaldybergenov Shýnıshbaıuly Sháripov marapattaldy. Is-sharaǵa álem chempıony Raısa Baılıeva da qatysty. Ol osyndaı jyly qabyldaýlarǵa rıza bolyp, IIO-nyń barlyq ardagerlerine baǵa jetpes tájirıbeni jas býynǵa úıretip, beıbitshilik pen tynyshtyqqa demalýǵa tilek bildirdi.