Sońǵy apta ishinde Qostanaı qalasyna 3 myń kılogramnan astam dári-dármek jetkizildi. Oblys dárihanalaryn áleýmettik mańyzy bar dári preparattarymen tolyq qamtamasyz etý maqsatynda jergilikti bıýdjetten 110 mln teńge bólinip otyr.
Densaýlyq saqtaý basqarmasynyń basshysy Vıacheslav Dýdnıktiń aıtýynsha, oblys ortalyǵyna kelip túsken dári-dármekterdiń deni – qyzý túsiretin, vırýsqa qarsy, antıbakterıaldy preparattar. Oblys ákimdigi dárihanalyq jeliler men farmasevtıkalyq fırmalardyń dıstrıbıýtorlaryna kómek kórsetý úshin 300 mln teńge kóleminde qomaqty qarajat bólgen. Sonyń nátıjesinde jergilikti fırmalar medıkamenttiń mol qoryn jetkizip aldy.
Qarjylaı kómek alǵandardyń biri oblys aýmaǵynda «Svetnaıa» dep atalatyn 30-dan astam dárihanasy bar «Vıtaım» JShS.
– Ákimdik pen jekemenshiktiń arasyndaǵy yntymaqtastyq óz nátıjesin berip otyr. Búginde el ishinde dári tapshylyǵyna baılanysty dúrbeleń basyldy. Biz birneshe kúnniń ishinde aýdandar men qalalardaǵy dárihanalarymyzdyń birin qaldyrmaı turǵyndarǵa qajet áleýmettik mańyzǵa ıe dári-dármekpen toltyryp qoıdyq. Olardyń baǵalary da burynǵydaı, – deıdi seriktestik basshysy Ekaterına Avdeeva.
Qostanaı oblysy