Osydan dál 18 jyl buryn, ıaǵnı 2002 jyldyń 31 shildesinde ózimizdiń jerlesimiz, dańqty hokkeıshi Borıs Aleksandrov jol apatynan qaıtys bolǵan edi, - dep jazady Egemen.kz
Borıs Vıktoruly 1955 jyly О́skemende dúnıege keldi. Sporttyq karerasyn jergilikti "Torpedoda" bastaǵan surmergen shabýylshy Máskeýdiń SSKA men "Spartak", Tverdiń SKA-MVO klýbtarynda jasyndaı jarqyrady. Birneshe atalmdar boıynsha arnaıy syılyqtardy ıelendi. Seksenishi jyldary qaıta elge oralyp, alty maýsym boıy "Torpedonyń" namysyn abyroıly qorǵady. Odan keıin ol Italııanyń "Mılany" men Majarstannyń "Ferensvaroshynda" óner kórsetti. KSRO quramasy sapynda birqatar halyqaralyq deńgeıdegi dodalarǵa qatysyp, 1976 jyly Insbrýkte alaýy tutanǵan Olımpııa oıyndarynyń jeńimpazy atandy. Úlken sportpen qosh aıtysqannan keıin Aleksandrov óziniń týǵan qalasynda jattyqtyrýshylyq qyzmet atqaryp, 1996-2002 jyldary Qazaqstan quramasynyń bas bapkeri boldy.
2002 jyly shilde aıynyń sońǵy kúni Ýfa-Chelıabi tas jolynyń boıynda qos kóliktiń soqtyǵysýy saldarynan dańqty hokkeıshi kóz jumdy. Borıs Aleksandrov nebary 46 jasta edi...