Kúdikti retinde ustalǵan Ázerbaıjan azamaty Orhan Zeınalov qazannyń 10-y kúni Máskeýdiń Batys Bırıýlevo aýdanynda Egor Sherbakov óltirilgen kezde óziniń múldem basqa jaqta júrgenin aıtyp, onyń qazasyna qatysy joq ekenin bildirdi. Bul týraly «Trýd» gazeti jazdy.
«Ol ózine taǵylǵan aıyptan úzildi-kesildi bas tartyp otyr», - delingen aqparda.
«Eger buryn Zeınalov tergeý kezinde qazannyń 9-ynan 10-na qaraǵan túni Sherbakovty pyshaqpen urǵanyn, biraq ony óltirý nıetinde bolmaǵanyn aıtyp kelse, qazir endi eshkimdi de óltirmedim, men ol jerde bolǵan joqpyn dep otyr», - dedi Tergeý komıtetiniń ókili Vladımır Markın.
Aıta keteıik, tergeýdiń málimeti boıynsha, Zeınalov Sherbakovty júrip júrgen qyzynyń kózinshe pyshaqpen urǵan. Al kýáger qyzdyń ony tanydy ma, joq pa, ol jaǵy aıtylmaıdy.
Sáken Maılybaı.