Pavlodar qalasy boıynsha Qurban shalý rásimi óńirdegi epıdemıologııalyq ahýalǵa baılanysty onlaın rejimde júzege asyryldy, dep habarlaıdy Egemen.kz
Jalpy oblys boıynsha qurban2020.kz saıty arqyly qurban shalýǵa 170-ke jýyq tapsyrys berilip, onyń 120-sy mal qunyn onlaın tólegen bolatyn. Al muqtaj bolǵan 355 otbasy et alýǵa ótinish bergen edi. О́tinish túsirý áli de jalǵasýda.
Osy tapsyrystardy oryndaý úshin meshit qyzmetshileri qala shetindegi "Qulager" atshabarynda qurban shalý amanatyn asa uqyptylyqpen oryndady, álbette qurban shalý erteń de jalǵasady.
О́tinishter boıynsha qurbandyq etin muqtaj otbasylarǵa mekenjaıy boıynsha jetkizildi. Máselen, aıttyń alǵashqy kúni 122 qoı, 1 qara mal qurban shalynyp, árqaısysyna 5-6 keli et salynǵan 200 pakettiń 185-i muqtaj otbasylarǵa jetkizildi.