Qylmys áleminde «Sary Almaz» degen atpen áıgili bolǵan Nesipbaı Násenovtyń baýyry Asqar Násenovke izdeý jarııalandy. Bul týraly «KTK» telearnasy habarlady.
Bıyl qyrkúıekte «Qazaqstan temir joly» UQ» AQ-ǵa qarasty «Transtelekom» kompanııasynyń burynǵy vıse-prezıdenti Muhtar Ábdrahmanovqa memleket qazynasynyń 4 mlrd. teńgesin jymqyrdy degen aıyp taǵylyp, quqyq qorǵaý qyzmetkerleriniń qolyna túsken bolatyn. Endi qarjy polısııasy onyń jalǵyz áreket etpegenin anyqtap otyr. Memleket qarjysyna M. Ábdrahmanovtyń bastyǵy bolǵan Asqar Násenov te qol suqqan eken. Ol 2002-2007 jyldar aralyǵynda atalmysh kompanııaǵa jetekshilik jasapty. Qazir oǵan quqyq qorǵaý organy izdeý jarııalady.
«Astana qalasy boıynsha qarjylyq baqylaý ınspeksııasy mamanynyń qorytyndysyna sáıkes, “TransTelekom” AQ men “KT&T” JShS arasyndaǵy kelisim-shart jalǵan mámile bolyp tabylǵan. Bul memlekettiń 4,1 mlrd. teńgesiniń negizsiz tólenýine ákelip soqty»,- deıdi Qarjy polısııasynyń resmı ókili Murat Jumanbaı.
Baqytbek Keneshuly.