Magıstratýraǵa oqýǵa túsý úshin qujattardy qabyldaý 19 shildede aıaqtaldy. Bıyl 38 myńnan astam adam keshendi testileý tapsyrýǵa nıet bildirdi. 2019 jyly magıstratýraǵa túsýge tilek bildirýshiler sany 30 579 adamdy qurady. 13 300 azamat magıstratýrada eńbek naryǵynda suranysqa ıe baǵyttar boıynsha memleket qarajaty esebinen oqı alady. Bul týraly BǴM baspasóz qyzmeti habarlady, - dep jazady Egemen.kz
Keshendi testileý 17 tamyzda bastalady. KT kompıýterlik formatta bolady.
Ár qatysýshy úshin testileý derbes ótedi. Testilenýshiler suraqtardy ótkizip jiberip, aldyńǵy suraqtarǵa qaıta orala alady jáne jaýap nusqalaryn ózgerte alady. Testileý aıaqtalǵan soń 30 mınýt ishinde appelıasııaǵa tapsyrýǵa bolady.
Testileý ýaqyty 3 saǵat 55 mınýtty quraıdy, tapsyrmalar sany 130 bolady.Testileýden ótý ýaqyty men orny týraly aqparat Sizdiń jeke kabınetińizge jiberiledi (QR BǴM UTO saıtynda).