Qostanaı oblysyndaǵy «Qaıraq» baqylaý beketi arqyly Reseı asyp bara jatqan júk kóliginen 10 tonna altyn keni tabyldy. Kóliktegi júk qujat boıynsha kvarsıt mıneraly dep resimdelgen. Úıdeı-úıdeı 12 úlken qapqa salynǵan altyn keniniń ár tonnasynan kem degende 1 keli taza altyn alýǵa bolady eken. Zańsyz júkti shekarashylar tárkilep aldy.
«Qazaqstan Respýblıkasy azamaty mingen «Volvo» markaly júk kóligi 2020 jylǵy 27 shilde saǵat 18:45-te shekaralyq baqylaý beketinde tekseristen ótý barysynda ustaldy. Ulttyq banktiń málimetine súıensek, 1 gramm altynnyń naryqtaǵy quny – 25 213 teńge. Sonda memleketke keltirilgen shyǵyn kólemi shamamen 250 mln teńge bolady», dedi QR UQK Shekara qyzmeti Qostanaı oblysyndaǵy departamentiniń baspasóz hatshysy Manarbek Karekenov.
Qostanaı oblysy