Qaýipti indettiń beleń alýy forýmdar men semınarlardy keıinge shegerdi. Tipti keıbir sharalardyń formaty ózgertildi. Al bul bıýdjet qarjysyn únemdeýge jol ashyp otyr, dep jazady Egemen.kz
"Biz adamdar kóp shoǵyrlanatyn sharalardyń bárinen bas tarttyq. Budan bıýdjettiń 4,8 mıllıard teńgesi únemdeldi. Endi jyl sońyna deıin taǵy da 900 mln teńgeni qysqartýdy kózdep otyrmyz", dedi oblys ákimi Mahambet Dosmuhambetov.
Ákimniń málim etýinshe, únemdelgen qarjy birinshi kezekte pandemııamen kúres sharalaryna jumsalmaq.
"Bul maqsatqa 2,3 mlrd teńge bólindi. Sonyń ishinde 777 mln teńge "Atyraý ÁKK" AQ arqyly azyq-túlik taýarlarynyń turaqtandyrý qoryn qurýǵa jumsaldy. Budan basqa 1 mlrd teńge mektepterdi dárethanalarmen, beınebaqylaý júıesimen jabdyqtaýǵa baǵyttaldy. Únemdelgen qarjyǵa medısınalyq jabdyqtar satyp alyndy. Stasıonarlarǵa jóndeý jumystary júrgizildi. Qarjynyń bir bóligine ókpeni jasandy jeldetý apparattaryn satyp alýdy josparlap otyrmyz", dedi Mahambet Dosmuhambetov.