Qyzylorda qalasynyń turǵyny tanysyna ákimshilikte jumys isteıtindigin aıtyp, oǵan kezeksiz páter alyp berýge ýáde etken. Ol sózine sengen jannyń jeke kýáligi men bank kartasyn paıdalanyp, onyń atynan mıkrokredıttik mekemelerden jalpy 305 myń teńgege nesıe rásimdegen, dep jazady Egemen.kz
"Páter alyp beremin" degen merzim áldeqashan ótip, aldanǵanyn sezgen turǵynnyń aryzyna oraı jedel-izdestirý sharalary jasalyp, 26 jastaǵy alaıaq ustaldy.
Bul derek boıynsha Qazaqstan Respýblıkasy Qylmystyq kodeksiniń 190-baby 2-bóliginiń 4-tarmaǵymen sotqa deıingi tergep-tekserý amaldary júrgizildi. Tergeý barysynda kúdiktiniń alaıaqtyq is-áreketi tolyǵymen óz dálelin taýyp, atalǵan is aıyptaý aktisimen sotqa joldandy. Alaıaq kinásin tolyǵymen moıyndap, jábirlenýshilerge keltirilgen shyǵyndy tolyq óndirgen.
Qyzylorda qalalyq sotynyń úkimi negizinde aıyptalýshyǵa 2 jyl merzimge bas bostandyǵynan shekteý jazasy taǵaıyndaldy.