Josparly emdeýge kirisken medısınalyq mekemeniń biri – №1 Atyraý qalalyq emhana. Bas dáriger Ásııa Narymbaevanyń aıtýyna qaraǵanda, josparly emdeýge jatatyn qan qysymy, gıpertonııa, qant dıabeti, astma syndy syrqatqa shaldyqqandar aldyn ala ýchaskelik dárigerge kórinýi kerek. Sodan soń dárigerdiń nusqaýymen analız tapsyrady, - dep jazady Egemen.kz
"Syrqatynyń kúrdeligine baılanysty naýqastar kúndizgi stasıonarda emdele alady. Olarǵa tegin dári-dármek beriledi. Sondaı-aq, aýrýhanalarǵa jatyp emdelý de qarastyrylyp otyr. Bul úshin ýchaskelik dáriger naýqasty portalǵa engizip qoıady. Portaldy kútý kezeńi aýrýhanadaǵy naýqastar sanyna baılanysty bir aptaǵa sozylýy múmkin", - deıdi Ásııa Narymbaeva.
Onyń málim etýinshe, josparly em qabyldaıtyn naýqastar mindetti túrde koronavırýs ınfeksııasyna analız tapsyrýy tıis. Al, analız qorytyndysynyń jaramdylyq merzimi 5 kúnge ǵana sozylady. Qazir №1 Atyraý qalalyq emhanasynyń kúndizgi stasıonar bólimshesinde 12 oryn jasaqtalypty. Sonymen birge, munda 20 oryndyq provızorlyq stasıonar da bar.