"Isaıas" kúshti tropıkalyq daýyly AQSh-tyń shyǵys jaǵalaýyna orasan zor zardabyn alyp keldi. Apat kezinde kem degende 5 adam qaza tapqan, dep habarlaıdy Egemen.kz
Daýyl aralas jaýǵan jańbyrdan jol boıyndaǵy aǵashtar men úılerdi qıratyp, alasapyran saldarynan 3 mıllıonnan astam turǵyn elektr qýatynsyz qaldy.
Isaıas daýyly ońtústikten soltústikke qaraı jyljyp, Amerıkanyń 13 shtatyna ekpindi soqqysyn qaldyrdy. Máselen, Nıý-Djersıde jeldiń jyldamdyǵy sekýndyna 47 metrge jetti. Onyń ekpininen úılerdiń shatyry qırap, jeńil kólikterdiń saýtamtyǵy qalmady.
Sonymen qatar, Vashıngtonda birneshe saǵat ishinde rekordtyq 55 mıllımetr kóleminde jaýyn-shashyn tústi. Nátıjesinde, qalalyq metronyń birneshe stansııasy sý astynda qalyp, ýaqytsha jabyldy. Qazir daýyl AQSh shekarasyn kesip ótip, Kanada aýmaǵyna da jetti.