«Teńizshevroıl» kompanııasynyń aqparatyna qaraǵanda, kenornyndaǵy qyzmetkerlerdiń 3895-i qaýipti indetti juqtyrypty. Qazir olardyń 2863-i jazylyp shyqty.
«Test qorytyndysymen oń nátıje bergenderdiń negizgi bóligi vahtaǵa bara jatqan qyzmetkerlerde bolǵan. Al, TShO qyzmetkerleri arasynda 370 jaǵdaı anyqtalǵan. Kún saıyn rastalatyn jaǵdaılardyń sany 90%-ǵa tómendedi.
Búgingi tańda Teńiz ken ornyndaǵy juqpaly aýrýlar stasıonarynda (oblystyq juqpaly aýrýlar aýrýhanasynyń fılıaly) 194 qyzmetker em alýda. Bul jalpy tósek-oryn sanynyń 27%-yn quraıdy» - delingen kompanııanyń aqparatynda.
Qazir Teńiz ken ornynda epıdemıologııalyq ahýal jaqsara bastady. Soǵan qaramastan, karantındik shekteýler saqtalyp otyr. Betperde taǵý, áleýmettik araqashyqtyqty saqtaý, ózin-ózi oqshaýlaý TShO-nyń, sondaı-aq, merdiger mekemelerdiń barlyq qyzmetkeri úshin mindetti talap bolyp otyr.