Qalyptasqan ystyq aýa raıyna baılanysty respýblıkada joǵary órt qaýiptiligi saqtalady. Bul týraly IIM TJK baspasóz qyzmetine silteme jasaı otyryp Egemen.kz habarlaıdy.
Aǵymdaǵy jylǵy 6 tamyzda ótken táýlikte respýblıka boıynsha 3 tabıǵı órt jáne 20 dala janýy oqıǵasy tirkeldi.
Qostanaı jáne Pavlodar oblystaryndaǵy 2 tabıǵı órt, Aqtóbe, Almaty, Qaraǵandy oblystaryndaǵy 9 dala janý TJK baqylaýynda, olardy joıý boıynsha sharalar qabyldanýda.
Budan basqa, ótken táýlikte Almaty, Aqtóbe, Batys Qazaqstan, Qostanaı, Qaraǵandy, Pavlodar, Soltústik Qazaqstan oblystaryndaǵy tabıǵı órtter jáne qurǵaq shóptiń janýy joıyldy. Atalǵan óńirlerde janýdyń jalpy aýdany 440 ga qurady. О́rtti joıýǵa TJD, erikti órt sóndirý quramalarynyń, orman sharýashylyqtarynyń kúshteri men quraldary jumyldyryldy.
IIM TJ komıteti azamattardy dala jáne orman alqaptarynda bolǵan kezde qaýipsizdik erejelerin saqtaýǵa shaqyrady. Tabıǵı órtterdiń týyndaýynyń negizgi sebepteri halyqtyń otty abaısyz paıdalanýy, sóndirilmegen temeki, alaý, janyp jatqan sirińke, atýdan keıingi tyǵynnyń byqsýy, maıly nemese tozyǵy jetken shúberek, shyny bótelke, kún sáýlesiniń synýy, kólik quralynyń sóndirgishinen ushqyn, qurǵaq eski shópti jaǵý, naızaǵaıdyń oınaýy.