Koronavırýs pandemııasyna baılanysty jazǵy Olımpıada oıyndarynyń keıinge shegerilýiniń saldarynan ártúrli sport túrinen Olımpıadaǵa irikteý kezeńderiniń 57 paıyzy ótken joq. Bul týraly Egemen.kz Ulttyq Olımpıada komıtetiniń baspasóz qyzmetine silteme jasap habarlaıdy.
Ústel tennısinen irikteý kezeńi de osy tizimge kiredi. Qazirshe atalǵan sport túri boıynsha irikteý kezeńi jaǵdaıǵa baılanysty keıinge shegerilýde. Irikteý kezeńiniń ótetin orny men ýaqyty jaqyn arada belgili bolady. Qazirgi tańda ústel tennısinen qazaqstandyq sheber Kırıll Gerasımenko irikteý kezeńine daıyndyǵyn toqtatqan joq.
"Fızıkalyq turǵydan jattyǵýdi údetip, ústel jattyǵýyn úzbeı jasap júrmiz. Avstrııa men Shvesııada ótetin iri halyqaralyq dodalarǵa arnaıy oqý-jattyǵý josparyn qurdyq. Germanııada ústel tennısinen ótetin iri eýropalyq chempıonatqa da bólek, arnaıy jospar bar", - deıdi jattyqtyrýshy Gennadıı Gsherasımenko.