QR Bilim jáne ǵylym mınıstrligi shetelde oqıtyn stýdentterge elimizdegi joǵary oqý oryndaryna aýysý boıynsha kómek kórsetýge daıyn, dep habarlady mınıstrliktiń baspasóz qyzmeti.
Bilim jáne ǵylym mınıstrligi sheteldik joǵary oqý oryndaryna óz betinshe túsken jáne koronavırýstyq ınfeksııa pandemııasyna baılanysty joǵary oqý oryndaryna oralý problemasyna tap bolǵan qazaqstandyq stýdentterge kómek kórsete bastady.
"Sheteldik JOO-nyń kópshiligi stýdentterin qashyqtan oqytady. Alaıda keıbir oqý oryndarynda ondaı múmkindik qarastyrylmaǵan. О́zderine baılanysty emes sebeptermen oqýyn jalǵastyrý úshin elden shyǵa almaıtyn stýdentterge mınıstrlik otandyq joǵary oqý oryndaryna aýysýǵa kómektesýge daıyn. Bul rette qujattardy rásimdeý formaty jeńildetiledi. Ol úshin ýnıversıtettiń vırtýaldy qabyldaý komıssııasyna júginý jetkilikti. Oqý ornyna aýysý týraly ótinish onlaın-rejımde qarastyrylady", - delingen habarlamada.
Osy sanattaǵy azamattardy qoldaý maqsatynda mınıstrlikte jedel jeli (74-16-24) iske qosyldy. Kórsetilgen nómir boıynsha dúısenbi men juma aralyǵynda saǵat 9:30-dan 18:30-ǵa deıin habarlasýǵa bolady.