Jańa oqý jylynyń aldynda "Jas Otan" jastar qanaty Almatylyq stýdentterge erekshe syı jasady, - dep habarlaıdy Egemen.kz Qazaqstan ulttyq telearnasyna silteme jasap.
Qoǵamdyq sharalarǵa belsendi atsalysqan birneshe jas joǵary oqý oryndarynyń grantyn ıelendi. Qýanyshqa kenelgenderdiń deni az qamtylǵan, kóp balaly, jartylaı jetim jáne múgedekteri bar otbasynyń balalary.
"Jas Otan" Jastar qanatynyń Almaty qalasy boıynsha tóraǵasy Mádı Ahmetovtyń aıtýynsha, bul bastama volonter jastardyń otbasyna, ózderine aýyrtpalyq túsirmeý úshin qolǵa alynǵan.
"Biz olardyń eńbegin baǵalaı otyryp, osyndaı sheshimge keldi. Pandemııa kezinde, Arys jáne Maqtaaral oqıǵasy kezinde talmaı eńbektenip, óńirlerdi qalypqa keltirýge úles qosqan volonterlar da bar. Biz olardyń orasan eńbegin joqqa shyǵara almaımyz", - deıdi ol.