Halyqaralyq ıadrolyq synaqtarǵa qarsy is-qımyl kúni jáne Hırosıma men Nagasakıdiń atom bombalaýynyń 75 jyldyǵy qarsańynda Qazaqstannyń Norvegııadaǵy Elshiliginiń qyzmetkerleri «Bike for Peace» (Velosıpedshiler beıbitshilik úshin) qozǵalysymen uıymdastyrylǵan velojarysqa qatysty. Bul týraly Egemen.kz SIM baspasóz qyzmetine silteme jasap habarlaıdy.
Kezdesýge Norvegııa Parlamentiniń, mýnısıpalıtetterdiń, bıznes jáne akademııalyq toptardyń ókilderi qatysty.
Úsh kún ishinde qatysýshylar Oslo jáne Akershýs provınsııalaryndaǵy qalalaryna bardy. Oslo, Lıllestrıom, Iezhaım jáne Eıdsvol qalalarynyń merlerimen, sondaı-aq Iаdrolyq qarýǵa tyıym salý jónindegi halyqaralyq naýqany (ICAN) jáne «Nei til atomvåpen» (Iаdrolyq qarýǵa jol bermeý) uıymy jetekshilerimen kezdesýler ótkizildi. Jarys qatysýshylary Norvegııanyń Syrtqy ister mınıstrliginde qarýsyzdaný máseleleri jónindegi arnaıy ókili Iorn Osmýndsenmen suhbattasty.
Qazaqstandyq dıplomattar Semeı ıadrolyq polıgonyndaǵy ıadrolyq synaqtardyń zardaptary, KSRO-dan muraǵa qalǵan ıadrolyq zymyrandyq áleýetti bólshekteý tarıhy, sondaı-aq jahandyq ıadrolyq qarýsyzdaný boıynsha jumysty jalǵastyrýdyń mańyzdylyǵymen tanystyrdy. Elshiliktiń qyzmetkerleri norveg tilinde basylǵan Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń «Beıbitshilik kindigi» kitabyn tartý etti.
«Qazaqstan táýelsizdik alǵan kezinde álemdegi tórtinshi ıadrolyq áleýetke ıe bolǵan. El óziniń barlyq ıadrolyq qarýyn bólshektedi. Bul basqa ıadrolyq memleketter úshin orasan úlgi», - dep «Bike for Peace» prezıdenti Týre Nerland Oslo merııasynyń aldyndaǵy alańynda sóılegen sózinde atap ótti. Júzden astam elde ıadrolyq qarýǵa qarsy velosherý men mıtıngiler uıymdastyrǵan T.Nerland óziniń Qazaqstan aýmaǵyndaǵy, onyń ishinde Semeıge saparymen barǵanyn jyly lebizben eske aldy.
Osymen qatar, Oslo qalasynyń mery Marıann Borgen, «Beıbitshilik jolyndaǵy merler» qozǵalysynyń múshesi, «Bul búkil álemdegi ıadrolyq qarýǵa tyıym salýǵa múmkin ekendiginiń dáleli» - dep Qazaqstannyń antııadrolyq qozǵalystaǵy rólin atap ótti.
Stortıng depýtaty Hımanshý Gýlatı Nur-Sultan men Almatyǵa jasaǵan saparlary týraly estelikterimen bólisip, «Bizde Norvegııa men Qazaqstan arasyndaǵy dostyq pen saýda yntymaqtastyǵyn keńeıtý úshin úlken áleýet bar. Biz Parlament músheleri retinde bul salada óz rólimizdi oryndaǵymyz keledi», - dep atap ótti.