Nur-Sultan qalasynyń ákimi Altaı Kólginov azamattardy onlaın qabyldaý ótkizdi. Bul týraly ol óziniń Instagram paraqshasynda jazdy, - dep habarlaıdy Egemen.kz.
"Azamattardy turaqty túrde onlaın-qabyldap jatyrmyz. Búgin qala turǵyndary turǵyn úı, sportpen aınalysý úshin jaǵdaıdy jaqsartý jáne t.b. máselelerdi kóterdi.
Memleket basshysynyń tapsyrmasyna sáıkes bıyl qoljetimdi turǵyn úı kólemin arttyramyz. Áleýmettik páterler kezekte turǵan azamattarǵa,(halyqtyń áleýmettik álsiz toptary), turǵyn úı qurylys jınaq bankiniń salymshylaryna beriledi. "Qazaqstandyq ıpotekalyq kompanııamen" birlese dárigerler, muǵalimder, áleýmettik qyzmetkerler, polıseıler jáne t. b. úshin birqatar turǵyn úı salamyz.
Sondaı-aq sport nysandaryn ashý jáne sportpen aınalysýǵa jaǵdaı jasaý boıynsha júıeli jumys júrgizemiz. Suraqtar josparǵa bekitildi, - dep jazdy Altaı Kólginov.