Baqsha ónimderiniń alýan túrin ósiretin «Atyraý ónimderi» sharýa qojalyǵynyń jetekshisi Vladımır Rozmetov injirdiń de jersinetinin dáleldedi. Bul ósimdikti Mahambet aýdanyndaǵy jylyjaıda ósirdi, - dep habarlaıdy Egemen.kz.
«Budan birneshe jyl buryn jylyjaıda lımon ósire bastaǵan edik. Qazir lımonnan ónim alyp otyrmyz. Sodan soń tájirıbe jasaý maqsatynda injirdi ósirýdi qolǵa aldyq. Injir de bizdiń óńirge jersindi. Jaqynda alǵashqy ónimin jınadyq. О́zbekstandyq ǵalymdardyń keńesine súıensek, injirdi tek jylyjaıda ǵana emes, ashyq aspan astyndaǵy alqapta da ósirýge bolady. Biraq, qysqy maýsymda ony da júzim sııaqty jaýyp qoıý kerek», - deıdi Vladımır Rozmetov.
Onyń pikirinshe, jylyjaıda ósirilgen injirden 50 keliden astam ónim alýǵa bolady eken. Sol sebepten, sharýager aldaǵy jyly tańsyq ósimdikti 1 gektar alqapta ósirýdi josparlap otyr.