Oblys aýmaǵynda shekteý sharalary 31 tamyzǵa deıin sozylatyn boldy. Osyǵan oraı búgin oblystyń bas memlekettik sanıtarlyq dárigeri Qanat Ǵaınedenov arnaıy qaýlyǵa qol qoıdy, - dep habarlaıdy Egemen.kz.
«Atyraý oblysynyń aýmaǵynda 2020 jylǵy 17 tamyz saǵat 00:00-den 31 tamyz saǵat 00.00-ge deıin shekteý sharalary uzartylsyn. Bes jasqa deıingi balalardy, qoǵamdyq tamaqtaný oryndarynda tamaqtaný jaǵdaılaryn, jeke jáne 5 adamnan aspaıtyn toptyq sportpen aınalysatyn adamdardy qospaǵanda, áleýmettik qashyqtyqty mindetti túrde saqtaı otyryp, qoǵamdyq oryndarda, qoǵamdyq transportta, halyqqa qyzmet kórsetý jáne demalýǵa arnalǵan ǵımarattarda, ashyq aýada medısınalyq nemese mata betperdelerin kııý mindetti», - delingen qaýlyda.
Qaýlyǵa sáıkes, Atyraý oblysynyń aýmaǵynda turǵyndar men avtokólikterdiń saǵat 23:00-den 6:00 aralyǵynda júrýine bolmaıdy. Sondaı-aq, dýmandy, aýqymdy sporttyq sharalar, kórmeler, forým, konferensııa, otbasylyq, eske alý (banket, toı, mereıtoı, sadaqa), onyń ishinde úıde jáne adamdar kóp jınalatyn ózge de sharalardyń ótkizilýine, oıyn-saýyq ortalyqtarynyń (bılıard, kompıýterlik klýb, kalıan, býkmekerlik keńseler, túngi klýbtar, boýlıng ortalyqtar, kınoteatrlar jáne basqa da oıyn-saýyq mekemeleriniń), barlyq mádenı nysandar (teatrlar, konserttik zaldar, murajaı, kórmeler jáne t.b.), fýdkort, banket zaldary, bar, karaoke, qoǵamdyq jaǵajaılardyń, akvaparkterdiń, basseınderdiń qyzmetine tyıym salyndy.