Oblystyq týberkýlezge qarsy kúres dıspanseri dırektorynyń mindetin atqarýshy Serik Ábishevtiń aqparatyna qaraǵanda, bıylǵy 7 aıda týberkýlezben 193 adam aýyrǵany anyqtalypty. Al, byltyr osyndaı mezgilde 225 naýqas týberkýlez dertimen tirkelgen eken, - dep habarlaıdy Egemen.kz.
Onyń málim etýinshe, dıspanserde ashylǵan provızorlyq oryn sany 50 paıyz qysqarypty.
«Bizdiń dıspanserdegi provızorlyq stasıonardan sońǵy on kúnniń ishinde 30 adam emdelip shyǵyp otyr. Al, tamyzdan beri provızorlyq kerýet sanyn 50-ge deıin azaıttyq. Qazir 10-ǵa jýyq naýqas em alyp jatyr. Olardyń arasynda jasandy jeldetý apparatyna qosylǵan pasıent joq. Pandemııa jaǵdaıyna qaramastan, dıspanserde josparly em júrgizý prosesi, kúrdeli operasııalar jasaý jalǵasýda», dedi ol.