«Halyq únine qulaq asatyn memleket»tujyrymdamasyn iske asyrý aıasynda Premer-Mınıstrdiń orynbasary E. Toǵjanov elordalyq Sybaılas jemqorlyqqa qarsy is-qımyl departamenti janyndaǵy «Antikor ortalygy» servıstik ortalyǵynyń jumysymen tanysty. Is-sharaǵa QR Eńbek jáne halyqty áleýmettik qorǵaýmınıstri B. Nurymbetov, Nur-Sultan qalasyákiminiń orynbasary B. Máken jáne Agenttiktóraǵasy A. Shpekbaev qatysty.
Ortalyqtyń qyzmeti Sybaılas jemqorlyqqa qarsy qyzmettiń qoǵammen ózara árekettesýine jáne halyqpen tıimdi keri baılanysty qamtamasyz etýge arnalǵan alań retinde qurylǵan. Delegasııa Departament qyzmetkerleriniń qabyrǵalary áınekti kabınetterine baryp, mundaı amaldar transparenttilik pen senimdiliktiń qolaıly jaǵdaıyn týdyratynyna nazar aýdardy.
Qonaqtarǵa negizgi maqsaty turmystyq sybaılas jemqorlyqty joıý, memlekettik qyzmetterdi alý kezinde qolaıly jaǵdaı jasaý jáne qoǵamdyq baqylaý quraldaryn tıimdi iske asyrýdy qamtamasyz etý bolyp tabylatyn «Astana – Adaldyq alańy» jobasy aıasynda júzege asyrylyp jatqan bastamalar tanystyryldy.
Sondaı-aq, memlekettik mekemelerdiń bıýdjet qarajatynyń jumsalýyn onlaın rejımde qoǵamdyq baqylaý múmkindigin qamtamasyz etetin «Ashyq bıýdjetterdiń ınteraktıvti kartasy»jobasy usynyldy.
Departament qyzmetkerleri karantın jaǵdaıynda halyqpen jedel ózara árekettesýge múmkindik bergen «Antikor.Live» tikeleı efırlerimen brıfıngteri týraly aıtyp ótti.
Sybaılas jemqorlyqqa qarsy qyzmettiń aqparattyq-aǵartýshylyq shtabynyń jetekshisi Yrza Tursynzada qoǵamda sybaılas jemqorlyqqa qarsy kózqarasty qalyptastyrý, parasattylyq pen adaldyq qaǵıdattaryn nasıhattaý boıynsha shtabtyń júrgizip jatqan jumysy týraly aqparatpen bólisti.
Kezdesý qorytyndysy boıynsha Eraly Toǵjanov sybaılas jemqorlyqqa qarsy vedomstvonyń ashyqtyq pen aıqyndyqty qamtamasyz etýdegi, qoǵammen syndarly yntymaqtastyqtaǵy jumysyna oń baǵa berdi.
Atalǵan tájirıbeni túrli aqparattyq alańdarda keńinen jarııalap, basqa memlekettik organdardyń jumysyna engizý kerektigin atap ótti.