Jumys bastaýǵa rusat berilgen bıznestiń barlyq obektileri 17 tamyzdan bastap InfoKazakhstan.kz saıtynda talap etilgen sanıtarlyq normalarmen tanysyp, mindetti tirkeýden ótý qajet, - dep habarlaıdy Egemen.kz ákimdiktiń resmı saıtyna silteme jasap.
Nur-Sultan qalasy bas sanıtarlyq dárigeriniń 16 tamyzda jarııalaǵan qaýlysyna sáıkes elordada bıznestiń jumysty qaıta bastaý tártibi belgilendi. Jumys bastaýǵa rusat berilgen ShOB sýbektilerine InfoKazakhstan.kz saıty arqyly beriletin sanıtarlyq normalarǵa sáıkestik aktisin alý qajet.
«Atameken» Ulttyq kásipkerler palatasy bas sanıtarlyq dárigerdiń qaýlysy shyqqan kúni InfoKazakhstan platformasyn iske qosty. Platforma arqyly ár kásipker qyzmetti jańartýǵa ótinish bere alady. Bul platforma, qurmetti kásipkerler, sizderdi kabınetterdi aralap, qujat jınaýdan bosatady. InfoKazakhstan platformasyna kirgen boıda derekterińizdiń bir bóligi (kásiporyn ataýy, BSN) avtomatty túrde júkteletini mańyzdy, qalǵan formalardy toltyrý nebári 10-15 mınýt ýaqyt alady. Nazar aýdaryńyzdar, ázirge platforma servısin desktop-nusqada – kompıýter arqyly paıdalanýǵa bolady, mobıldi nusqa ázirlený ústinde», – dep habarlady Nur-Sultan qalasy О́KP dırektory Almat Júnisov.
Onyń aıtýynsha bıznestiń basym bóligi, shamamen 90%-y InfoKazakhstan.kz saıtynda tirkelý arqyly tekserýsiz, habarlandyrý tártibinde jumys bastaı alady.
«Osy rette tekserýdiń bolmaýy jaýapkershilikten bosatpaıdy. Qoǵamdyq baqylaý, kez kelgen tutynýshy buzýshylyqtar týraly baqylaýshy organdarǵa jibere alady», – dedi Almat Júnisov.
InfoKazakhstan.kz saıtynda tirkelgen soń bıznestiń jekelegen túrleri sanıtarlyq normalarǵa sáıkestikke mindetti tekserýden ótýi kerek. Olarǵa saýda jáne oıyn-saýyq ortalyqtary, azyq-túliktik saýda bazarlary, azyq-túliktik emes bazarlar, balalar saýyqtyrý lagerleri (mektep janyndaǵy, qala syrtyndaǵy) jatady.
Qyzmetti habarlyndyrý tártibinde jańartý úshin:
1-kadam. InfoKazakhstan saıtyna kirip, nysandy elektrondy sıfrlyq qoltańba arqyly tirkeý.
2-qadam. Bas sanıtarlyq dárigerdiń qaýlysyn júkteý jáne kásibińizge qoıylǵan sanıtarlyq talaptarmen tanysyp, ony elektrondy sıfrlyq qoltańba arqyly rastaý.
3-qadam. Jeke kabınette jáne elektrondy poshtada daıyndyq týraly aktisin alyp, jumysty bastaýǵa bolady.
Tekserýge jatatyn ShOB sýbektilerine:
1-qadam. InfoKazakhstan saıtyna kirip, nysandy elektrondy sıfrlyq qoltańba arqyly tirkep, bas sanıtarlyq dáriger qaýlysyn júktep, kásip túrine qoıylǵan talaptarmen tanysý qajet. Talaptarmen muqııat tanysyp, elektrondy sıfrlyq qoltańba arqyly rastaý qajet!
2-qadam. Nysandy sanıtarlyq talaptarǵa sáıkes daıyndaý.
3-qadam. Monıtorıngtik toptyń tekserýinen ótý.
4-qadam. Eger bári durys bolsa, saıttaǵy jeke kabınetten jáne elektrondy poshtaǵa sanıtarlyq normalarǵa sáıkestik aktisin – jumysty qaıta bastaýǵa ruqsatty alyp, jumysty bastaý.
Elektrondy ruqsatty basyp shyǵaryp, qaǵaz kóshirmesin kireberiske ilip qoıý qajet.Eger tekserý nátıjesi teris bolsa, onda barlyq eskertpelerdi rettep, ótinimdi qaıta bere alasyz.
«Biz elorda ákimdiginiń Investsıııalar jáne damý jónindegi basqarmasy, Taýarlar men kórsetiletin qyzmetterdiń sapasyn baqylaý departamenti jáne Nur-Sultan jol polısııasy basqarmasymen nysandardy tekserý boıynsha jumysty bastadyq. Biz ilgeri júrip kelemiz, Úkimet jáne jergilikti atqarýshy organdarmen barlyq deńgeıde kúndelikti kelissózder júrgizip jatyrmyz. Bıznestiń jumys isteýi epıdemıologııalyq ahýalǵa áser etýi kúndelikti ári apta saıyn baǵalanatyn bolady. Bizge indettiń órshýin boldyrtpaý asa mańyzdy. Sizderdiń, sondaı-aq nysanǵa kelýshilerdiń de jaýapkershiligi asa mańyzdy.
Oqytý beınerolıkter, jadnamalar ázirlendi, «Atameken» UKP 1432 baılanys ortalyǵy bazasynda tehnıkalyq qoldaý kórsetý qyzmeti iske qosylǵan. Sizderdi basqa da kásipkerlerdi aqparattandyrýǵa shaqyramyz.
Sonymen qatar biz elektrondy sıfrlyq qoltańbany alýǵa kómektesemiz, bul baǵytta Iqala qalalyq qyzmetter kórsetý ortalyqtary bazasynda, Momyshqly 2/11 ján Qoshqarbaev dańǵyly, 29 meken-jaıynda ornalasqan Kásipkerlerge qyzmet kórsetý ortalyqtaryndaǵy keńesshiler kómek berýge daıyn. BUl baqytta jumylǵan jumys atqaramyz degen oıdamyz», – dep atap ótti Nur-Sultan О́KP dırektory.