Qazaqstanda aralas salalar boıynsha qosymsha 100 myń turaqty jumys orny qurylady. Bul týraly Premer-mınıstr Asqar Mamın Úkimet otyrysynda málimdedi, dep habarlaıdy Egemen.kz
"Turaqty jumys oryndaryn qurýǵa jáne óńirlerdiń áleýmettik ınfraqurylymyn jaqsartýǵa basa nazar aýdara otyryp, ınfraqurylymdyq jobalardyń tizbesi ońtaılandyryldy. Osy jobalar aıaqtalǵannan keıin aralas salalarda qosymsha 100 myń turaqty jumys orny qurylady", dedi Asqar Mamın.
Mınıstrler kabınetiniń basshysy tórt óńirde jumyspen qamtýdy qoldaý boıynsha sharalardy iske asyrýdyń qarqyny jaqsy ekenin aıtty.
"Jalpy, tórt óńirde jumyspen qamtýdy qoldaý sharalaryn júzege asyrýda jaqsy dınamıka baıqalatynyn atap ótken jón. Bul Shymkent, Jambyl, Soltústik Qazaqstan, Shyǵys Qazaqstan oblystary. Al Batys Qazaqstan oblysynda tómen kórsetkishter", dedi Asqar Mamın.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.