Shymkentte alǵash ret pedagogtar men bilim uıymdarynyń qyzmetkerlerin jumysqa qabyldaý boıynsha "HR-Process" júıesi engizildi. Iаǵnı, bilim salasynyń kadrlaryn irikteýdiń avtomattandyrylǵan aqparattyq-taldaý júıesi, dep habarlaıdy Egemen.kz.
"HR-Process" júıesi pedogogıkalyq bos orynǵa ótinish berý jáne óńdeý barysyn avtomattandyrýǵa, úmitkerler men bos oryndardyń derekter qoryn qurýǵa, sonymen qatar, zamanaýı aqparattyq tehnologııalardy qoldaný negizinde pedagogıkalyq quramdy irikteý prosesiniń tıimdiligin arttyrýǵa arnalǵan.
Pedagogıkalyq quramdy irikteýdi avtomattandyrýdyń maqsaty men artyqshylyǵy úmitkerdi tańdaýda merıtokratııa, jarııalyq jáne aıqyndyq qaǵıdalaryn saqtaýdy nazarǵa alady.
Júıe konkýrstyq ádiske negizdeledi. Pedagogıkalyq qyzmetke úzdik kadrlardy iriktep alýǵa múmkindik beredi. Jemqorlyqtyń aldyn alady. Arnaıy komıssııa quramyna bilim uıymynyń dırektory, pán muǵalimderi, psıholog kiredi. Áleýmettik jelilerde konkýrstyq komıssııa otyrysynyń onlaın translıasııasy júrgiziledi.
Konkýrstyń barlyq nátıjeleri saıtta ashyq, qoljetimdi shyǵarylady. Kadrlardy irikteýdiń ashyq jáne obektıvti júıesi – bilim salasyna úzdik mamandardy tartýdyń kepili.
Aıta ketsek, jańa júıege 1 tamyzdan bastap 137 mektep, 88 balabaqsha qosyldy. Sondaı-aq, 51 bos oryn jarııalanyp, 33 ótinish berildi. Shymkent qalasy bilim mekemeleriniń barlyq bos oryndary www.hr-process.kz. saıtynda.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.