Qazaqstan Respýblıkasynyń Brazılııa Federatıvtik Respýblıkasyndaǵy Tótenshe jáne ókiletti elshisi, elshilik qyzmetti Argentına Respýblıkasy men Chılı Respýblıkasynda qosa atqarýshy Baqytjan Ordabaev Argentına Respýblıkasynyń Vıse-prezıdenti – Senat tóraǵasy Amado Býdýǵa Senim gramotasyn tapsyrdy, dep habarlady QR SIM-iniń baspasóz qyzmeti.
Qazaqstan Respýblıkasynyń Brazılııa Federatıvtik Respýblıkasyndaǵy Tótenshe jáne ókiletti elshisi, elshilik qyzmetti Argentına Respýblıkasy men Chılı Respýblıkasynda qosa atqarýshy Baqytjan Ordabaev Argentına Respýblıkasynyń Vıse-prezıdenti – Senat tóraǵasy Amado Býdýǵa Senim gramotasyn tapsyrdy, dep habarlady QR SIM-iniń baspasóz qyzmeti.
Senim gramotasyn tapsyrý saltanaty Argentına Prezıdentiniń saraıynda ótti. Gramota tapsyrý rásiminen keıin óte jyly, dostastyq rýhta ótken kezdesýde B.Ordabaev Vıse-prezıdent A.Býdýdy Qazaqstannyń búgingi tańda qalyptasqan áleýmettik-ekonomıkalyq ahýaly, memleketti odan ári damytýǵa baǵyttalǵan is-sharalar jóninde habardar etti. Qazaqstandyq dıplomat Prezıdent Nursultan Nazarbaevtyń adamzatty ıadrolyq qarýdan azat etý jáne taratpaý boıynsha bastamalaryn búginde halyqaralyq qoǵamdastyqtyń jahandyq deńgeıde tanyp otyrǵandyǵyna nazar aýdardy.
Sonymen qatar, Qazaqstan-Argentına seriktestigin damytý, saýda-ekonomıkalyq, ınvestısııalyq, ǵylym, energetıka jáne basqa salalardaǵy ózara árekettestikti ilgeriletý, Qazaqstan Respýblıkasynyń 2017-2018 jyldary BUU QK-niń Turaqty emes músheligine kandıdatýrasyn qoldaý, sondaı-aq 2014 jylǵy 21-23 mamyrda ótetin Astana ekonomıkalyq forýmyna Argentına isker toptarynyń qatysýy, EKSPO-2017 halyqaralyq kórmesinde Argentına pavılonyn salý sııaqty máseleler talqylandy.
A.Býdý elshini Senim gramotasyn tapsyrýymen quttyqtaı otyryp, Qazaqstan Prezıdenti Nursultan Nazarbaevqa jáne Qazaqstan halqyna zor tabys tiledi.