Nur-Sultandaǵy kóshelerge artylǵan shamadan tys júktemeni azaıtý úshin jolaıryqtar, kópirler men ótkelder salynyp jatyr. Bıyl 150 kóshe jóndelip, keıbireýi jańadan salynady. Osy jyly josparlanǵan jol jumystarynyń 70%-i eldi-mekenderde júrgiziledi. Jóndeý joldarynyń qurylysy ákimdiktiń baqylaýynda. Bul týraly Egemen.kz qala ákimdiginiń baspasóz qyzmetine silteme jasap habarlaıdy.
"Nova City aýmaǵy, №39 (Táýelsizdik) kóshesinen №27 kósheniń bir bóliginde jol salamyz. Bul kóshe áýejaıǵa men "Telman" eldi-mekenine qarasty joldy jalǵaýǵa múmkindik beredi. Eldi-meken turǵyndarynyń qalaǵa jol júrý ýaqyty edáýir qysqarady. Sonymen qatar, Máńgilik El jáne Uly Dala dańǵyldaryndaǵy júktemeni azaıtýǵa múmkindik beredi. Osy jańa kósheden Esil ózeni men Nura – Esil kanaly arqyly ótetin eki kópir bolady, qazir qurylys jumystary júrip jatyr. Kópirler oń jáne sol jaǵalaýdy jalǵap, qalanyń eki bóligin aınalma etýge múmkindik beredi", - dedi elorda ákimi Altaı Kólginov.
Elorda ákimi Altaı Kólginov turǵyndarmen kezdesý, azamattardy qabyldaý jáne esep berý kezdesýlerinde qala turǵyndary joldardy asfalttaý máselesin kótergenin atap ótti.
"Biz barlyq usynystardy jınap, keste qurdyq, barlyq qysta daıyndyq jumystaryn júrgizdik. Bıyl jóndelip jatqan joldar birneshe krıterııler boıynsha tańdaldy: buryn asfalt bolmaǵan joldardy tańdadyq. Mundaı joldardyń kóbi eldi-mekenderde ornalasqan. Sonymen qatar, jańa avtobýs baǵyttaryn iske qosylatyn kósheler men qozǵalys qarqyny joǵary kósheler qamtyldy.
Sapasyz joldardy qabyldamaımyz. Jol sapasyz bolǵan jaǵdaıda merdigerler óz esebinen joldy qaıta jasaıtyn bolady", - dep atap ótti elorda ákimi Altaı Kólginov.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.