Oblystyq densaýlyq saqtaý basqarmasy baspasóz qyzmetiniń málimetinshe, atalǵan dıspanserdegi sońǵy naýqas 12 tamyzda emdelip shyqqan, - dep habarlaıdy Egemen.kz.
«Sońǵy aptada stasıonarǵa koronavırýs, pnevmonııa ınfeksııasymen naýqastar túsken joq. Sol sebepten, 15 tamyzda provızorlyq stasıonardy jabyldy. Eki kún dezınfeksııa jasaldy. Qazir dárigerlerimizdi eńbek demalysyna jiberdik» deıdi Atyraý oblystyq týberkýlezge qarsy kúres dıspanseri dırektorynyń mindetin atqarýshy Serik Ábishev.
Al, emdeýshi dárigerdiń biri Ashat Esmýrzın týberkýlezge qarsy kúres dıspanseri janyndaǵy provızorlyq stasıonarda naýryz aıynan beri jumys istegen.
«Pandemııa ýshyǵyp turǵan kezde táýligine 20-30 adamǵa deıin qabyldadyq. Kóbinese, ókpesi 70-80 paıyzǵa deıin qabynǵan naýqastar túsken edi. Mundaı aýrýǵa shaldyqpaý úshin gıgıenalyq sharalardy saqtaý, koronavırýs belgileri baıqalǵan jaǵdaıda dereý dárigerge kóriný qajet» deıdi dáriger Ashat Esmýrzın.
Qazir oblystyq týberkýlezge qarsy kúres dıspanserinde pandemııanyń ekinshi tolqynyna daıyndyq bastalǵan. Munda 25 orynǵa ottegi jelisi tartylyp, dári-dármek pen medısınalyq jeke qorǵanys quraldarynyń qory jasaqtalyp jatyr.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.