Almatyda 15 myńnan astam muǵalim qashyqtan oqytý úshin bilimin shyńdap, tehnıkalyq saýattylyǵyn arttyrdy. Aldaǵy jańa oqý jylyna deıin eki myńdaı muǵalimge kompıýter berilmek. Al úı jaǵdaıynda oqytýǵa múmkindigi joq ustazdarǵa mektepke kelip onlaın bilim berýge ruqsat etilgen. Bul týraly qalalyq bilim basqarmasynyń basshysy Lázzat Jylqybaeva málimdedi, dep habarlaıdy Egemen.kz
Balalardyń alańsyz bilim alýy úshin qoljetimdi ınternet jelisi kedergisiz jumys isteýge tıis. Degenmen, qalada uıaly telefon baılanysy nashar, tipti ǵalamtor júıesi tartpaıtyn 46 núkte anyqtalyp otyr. Osy kedergini eńserý maqsatynda oqýshylar men muǵalimder úshin qoljetimdi "Bilim" tarıfi iske qosylmaq. Resmı málimet boıynsha, bıyl shamamen almatylyq 30 myń bala mektep tabaldyryǵyn attaıdy. Oqýshy sanynyń artýyna baılanysty megapolıste qyrkúıekten bastap jańa eki bilim uıasy paıdalanýǵa berilmek.
"Jańa oqý jylynda qalamyzdyń orta bilim berý jelisine jańa nysandar qosylady. Qazirgi tańda Almaty qalasynda 205 memlekettik, 61 jekemenshik mektep jumys isteıdi. 1 qyrkúıekte qosymsha eki mektep iske qosylatyn bolady. Ol – Áýezov aýdanyndaǵy Mamyr shaǵyn aýdanyndaǵy 200 oryndyq jańa mektep jáne Túrksib aýdanyndaǵy Nurshashqan shaǵyn aýdanyndaǵy 600 oryndyq jańa mektep", deıdi qalalyq bilim basqarmasynyń basshysy Lázzat Jylqybaeva.
Sondaı-aq, qaladaǵy kompıýterge muqtaj jandarǵa tıisti tehnıkany bólip berý máselesi jiti baqylaýda. Ol úshin jergilikti bilim basqarmasynyń janynan qalalyq sybaılas jemqorlyqqa qarsy is-qımyl departamenti, "Almaty-adaldyq alańy" jáne "Sanaly urpaq" uıymdarynan turatyn arnaıy komıssııa qurylǵan. Odan bólek, árbir bilim ordasyndaǵy qarjynyń qaıda jumsalyp jatqanyn publicbudget.kz saıtynan kórýge bolady. Mektepterdegi jóndeý jumystary men materıaldyq shyǵyn úshin ata-analardan bir tıyn da alynbaý kerek deıdi komıssııa músheleri.
– Bilim basqarmasynyń janynan arnaıy komıssııa quryldy. Komıssııa quramyna enýdegi maqsatymyz – qoǵamdyq baqylaý bolsyn, ádildik bolsyn, móldirlik bolsyn degen izgi nıet. Bilim salasynda atqarylyp jatqan barlyq jumystardyń basy-qasynda bolamyz, – deıdi "Sanaly urpaq" jobalyq keńsesiniń basshysy Qaıyrjan Toqyshev.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.