Qostanaı oblysyndaǵy 490 mektepte ata-analardyń onlaın rejimdegi jalpy jınalysy ótti. 70 myńnan astam ata-ana qatysqan jıynda jańa oqý jylyna daıyndyq barysy pysyqtaldy, dep habarlaıdy Egemen.kz
Jınalys barysynda ata-analarǵa aldaǵy oqý jylynyń basy qalaı uıymdastyrylatyndyǵy, ár mekteptegi bilim berý formattary týraly túsindirildi.
Mysaly, epıdemııalyq ahýaly turaqty shalǵaı aýyldyq mekenderdegi mektep oqýshylaryn dástúrli túrde oqytý josparlanyp otyr. Mundaı mektepterdegi synyp jetekshileri ata-analarǵa sanıtarlyq-epıdemııalyq talaptar men oqýshynyń mektepke kelip-ketý tártibin túsindirdi. Al qashyqtan oqytatyn mektep muǵalimderi 1-4 synyp aralyǵynda uıymdastyrylatyn kezekshi synyptardaǵy oqý úderisiniń júzege asyrylý tártibi týraly maǵlumat berdi.
Jıynda mektep formasy máselesi de sóz boldy. Ustazdardyń aıtýynsha, 2020-2021 oqý jyly balalardyń mektepke ózine qolaıly ári syrt kózge ersi kórinbeıtin kıim kıip kelýine ruqsat etilgen.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.