Memleket basshysy Qasym-Jomart Toqaev sybaılas jemqorlyqqa qarsy kúres máseleleri jóninde keńeste derekter qoryn odan əri ıntegrasııalaý jəne memlekettik qyzmetterdi sıfrlandyrýdy jedeldetýge basa mən berýdi tapsyrdy. El Prezıdentiniń bul tapsyrmasy el ekonomıkasy úshin asa mańyzdy der edim. Sebebi jemqorlyqty jeńýdiń birden-bir joly – memlekettik qyzmetterdi sıfrlandyrý.
Búginde Sıfrlyq damý, ınnovasııalar jáne aeroǵarysh ónerkásibi mınıstrliginde osy sıfrlandyrý máselesine qatysty aýqymdy jumystar atqarylyp jatyr. Sonyń bir dáleli retinde elimizdegi jer qatynastary salasyn sıfrlandyrý jumysy qolǵa alynyp otyr. Sebebi memlekettik qyzmet kórsetý kezinde sybaılas jemqorlyqtyń basym kópshiligi osy jer qatynastaryn retteý kezinde oryn alady. Sondyqtan biz jer telimin berýdi tolyq avtomattandyrýdy kózdep otyrmyz. Árıne bul – asa kúrdeli jumys. Jergilikti atqarýshy organdar tarapynan da kóp jumys atqarylatyn bolady. Alaıda biz aldaǵy kedergilerden jasqanbaımyz. Kózdegen maqsatymyzǵa jetemiz dep oılaımyz. Osylaısha otandastarymyz aldaǵy ýaqytta jer telimderi men ýchaskelerin tez ári jyldam ala alatyn bolady. Sol arqyly jemqorlyqtyń da tamyryna balta shabylady degen úmittemiz.
Araı ORAZOVA,
Sıfrlyq damý, ınnovasııalar jáne aeroǵarysh ónerkásibi mınıstrligi Sıfrlandyrý departamenti dırektorynyń orynbasary