Jergilikti qamtý boıynsha monıtorıng sheńberinde barlyq monıtorıng sýbektileriniń taýarlardy, jumystar men qyzmetterdi satyp alýdyń jalpy kólemi 2020 jyldyń 1 jartyjyldyǵynda 8,6 trln teńgeni qurady, jergilikti qamtý úlesi 4,3 trln teńge (49,9 %). Bul týraly Egemen.kz IIDM baspasóz qyzmetine silteme jasap habarlaıdy.
Búgingi tańda Mınıstrlik memlekettik satyp alý men kvazımemlekettik sektordyń satyp alýlaryndaǵy jergilikti qamtý úlesin ulǵaıtý maqsatynda arnaıy jumys tobyn qurdy. Osylaısha jergilikti atqarýshy organdar men "Samuryq-Qazyna" AQ usynǵan satyp alýlar boıynsha esepterge aı saıyn taldaý júrgiziledi. Bul taldaý mynadaı salalardy qamtıdy: jeńil, hımııa jáne tamaq ónerkásibi, mashına jasaý, qurylys materıaldary men jıhaz óndirisi.
Sonymen qatar ımportty almastyrý baǵytynda óńdeýshi ónerkásip naryǵyna taldaý júrgizildi. Qazirgi ýaqytta óńdeýshi ónerkásiptiń áleýeti 35 mlrd. AQSh dollaryn quraıdy. Salalar boıynsha ımport kórsetkishi:
mashına jasaý-16,7 mlrd AQSh dollary,
metallýrgııa - 3 mlrd AQSh dollary,
hımııa ónerkásibi - 2,8 mlrd AQSh dollary,
jeńil ónerkásip-1,7 mlrd AQSh dollary,
farmasevtıka ónerkásibinde-1,1 mlrd AQSh dollary.
Atalǵan salalardaǵy jergilikti qamtý úlesin ulǵaıtý maqsatynda 2020-2025 jyldarǵa basymdyq beriletin ınvestısııalyq jobalardyń tizimi jasaldy. Osyǵan baılanysty, 73 jobany iske asyrý esebinen 2025 jylǵa qaraı óńdeý ónerkásibiniń ımportyn 20% - ǵa qysqartý josparlanǵan (6 mlrd. AQSh dollaryna).
Budan bólek, memlekettik satyp alýdyń arnaıy tártibi sheńberinde baǵa usynystaryn suratý tásilimen memlekettik satyp alýdy júzege asyrý úshin otandyq taýar óndirýshilerdiń tizbesi bekitildi.
Tizbe qoldanystaǵy CT-KZ sertıfıkattary jáne ındýstrııalyq sertıfıkattar negizinde qalyptastyrylady. Bul rette tizbe "Atameken" QR Ulttyq Kásipkerler palatasymen birlesip kúndelikti negizde ózektendiriledi.
"Atameken" UKP usynǵan aqparatqa sáıkes, aǵymdaǵy jyldyń 13 tamyzyndaǵy jaǵdaı boıynsha 2920 kompanııanyń 10077 taýar pozısııasy boıynsha rastalǵan sertıfıkattary (CT-KZ jáne ındýstrııalyq sertıfıkat) bar.
Aıta ketý kerek, 2019 jyldyń qorytyndysy boıynsha retteletin satyp alýlardaǵy jergilikti qamtý Qazaqstan Respýblıkasy DSU-na kirgen sátten bastap oń serpinge ıe. Máselen, ótken jyly 2018 jylmen salystyrǵanda jergilikti qamtý úlesi taýarlar boıynsha aqshalaı mánde 0,4% - ǵa 519,8 mlrd teńgege ulǵaıdy.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.