16 tamyz kúni keshki saǵat 10-da "103" pýltine shuǵyl qońyraý tústi. 81 jastaǵy qarııa bas aýrýy men dene qysymynyń 180-ge kóterilgenine baılanysty shaǵymdanady. Bul týraly elorda ákimdiginiń baspasóz qyzmetine silteme jasaı otyryp Egemen.kz habarlaıdy.
Alaıda qońyraý túsken mekenjaıǵa kelgen Ilııas Ońǵarbaev pen Aýbakır Aıdana esimdi feldsherler qarııanyń sol aıaq-qoly qımylsyzdyǵy jáne bettiń qısaıýyna ákep soqqan aýyz buryshynyń áreketsizdigin baıqady. Naýqasty shuǵyl túrde aýrýhanaǵa aparý tıis ekeni birden belgili boldy.
"Kireberiste qarııa júrek ustamasyna ushyrady. Arnaıy qurylǵy naýqastyń júrek yrǵaǵy joǵarlaǵanyn kórsetti. Bári birer sekýndtiń ishinde boldy. Aýrýhanaǵa tezirek jetemiz degende, klınıkalyq ólim tirkeldi. Biz shuǵyl medısınalyq kómek kórsettik. Bul jerde árbir sekýnd baǵaly", dep eske alyp otyr feldsherler.
Adam ómiri feldsherlerdiń shuǵyl áreketi men kórsetilgen medısınalyq kómektiń arqasynda qutqarylǵany sózsiz. Defıbrıllıatordy qoldaný arqyly naýqastyń júrek soǵý jyldamdyǵy qalpyna keltirildi. 8 mınýttan soń naýqas №2 Kópsalaly qalalyq aýrýhanaǵa jetkizilip, ári qaraı mamandandyrylǵan kómek kórsetý úshin reanımasııalyq tobqa tapsyryldy.
Qazirgi tańda naýqastyń densaýlyq jaǵdaıy turaqty bolyp otyr, dárigerlerdiń tolyq baqylaýynda.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.