Italııada ótken XIV qysqy Paralımpıada oıyndary óz máresine jetti. Qazaqstan quramasy sapynan Erbol Hamıtov qos júldeni el qorjynyna saldy, dep jazady Egemen.kz.
Paralımpıadanyń altynshy kúninde otandasymyz alǵashqy medaldi jeńip aldy. Erbol Hamıtov parashańǵy saıysynan 1 500 metrge klassıkalyq sprıntte qola júlde oljalady. Ol márege 2 mınýt 29 sekýndta jetti.
Sondaı-aq ol 4,5 shaqyrymdyq iz kesý jarysynda da (otyryp jarysý sanaty) úzdik nátıje kórsetip, chempıon atandy.
Erbol Hamıtov Paralımpıada chempıony atandy
Erbol salǵan qos medalmen Qazaqstan Paralımpıadany 18-orynda aıaqtady. Al Qytaı eli 15 altyn, 13 kúmis, 16 qola júldemen kósh bastasa, ekinshi satyǵa 13 altyn, 5 kúmis, 6 qola medalmen AQSh quramasy jaıǵasty. Úzdik úshtikti Reseı atletteri túıindedi. Olardyń enshisinde 8 altyn, 1 kúmis, 3 qola júlde bar.
Aıta keteıik, Paralımpıada oıyndary 6-15 naýryz aralyǵynda ótti. Jarysqa álemniń ár aımaǵynan 600-den astam sportshy qatysty. Dodada 6 sport túri boıynsha 79 medal jıyntyǵy sarapqa salyndy.
Jalpy, jarys barysynda 27 eldiń sportshylary medal jeńip aldy.