Italııanyń bas shahary Rımde WKF karateden 2026 jylǵy ekinshi Premer-lıga dodasy aıaqtaldy. Bedeldi jarysta Qazaqstan quramasy 1 altyn, 1 kúmis, 1 qola medal enshilep, jalpykomandalyq esepte 3-orynǵa taban tiredi, dep jazady Egemen.kz.
Ulttyq qurama kóshbasshysy, Tokıo Olımpıadasynyń qola júldegeri Sofıa Berýlseva (68 keliden joǵary) fınalda anglııalyq Roshel Ýoltersti 2-1 esebimen jeńip, qatarynan ekinshi Premer-lıga týrnırinde chempıon atandy. S. Berýlseva aqpan aıynda ótken Ystanbuldaǵy týrnırde de altynnan alqa taqqany málim.
Kýmıte baǵdarlamasynda kúmis medaldi Ásel Qanaı (61 keli) jeńip aldy. Fınalda ol japonııalyq Sarara Shımadaǵa ese jiberdi. Al 18 jastaǵy Mıras Ábdiqadyr (60 keli) Premer-lıga sanatyndaǵy alǵashqy týrnırinde úzdik úshtikke endi. Nıkıta Tarnakın (84 keli) de úzdik bestikten kórindi.
Azııa dodasynda jeńiske jetken karateshiler syıaqy aldy
Jalpykomandalyq esep boıynsha úzdik úshtik kelesideı:1. Japonııa – 3 altyn, 2 kúmis, 3 qola2. Italııa – 1 altyn, 1 kúmis, 6 qola3. Qazaqstan – 1 altyn, 1 kúmis, 1 qola
Italııadaǵy týrnırde kata men kýmıte baǵdarlamasynda 66 memleketten 384 sportshy baq synady. Aldaǵy Premer-lıga dodasy sáýir aıynda Qytaıda ótedi.
Qaraǵandylyq karateshiler álem chempıonatynda eki altyn medal jeńip aldy