Qurmanǵazy aýdanyndaǵy Amangeldi aýylynyń tusynda Rjanaý dep atalatyn saı bar. Oǵan kóktemde ózen arnasynan asqan sý quıylyp, keıin shaǵyn kólshik paıda bolǵan eken. Sol kólshikte qalǵan shabaqtar qutqaryldy.
«Sazan, móńke balyqtarynyń shabaǵyn qutqarý úshin shuǵyl sharalar qolǵa alyndy. Oǵan jergilikti atqarýshy organnyń, orman sharýashylyǵy jáne janýarlar dúnıesi aýmaqtyq ınspeksııasynyń qyzmetkerleri men aýyldyń erikti jastary, sondaı-aq, «Kaspıı balyq», «Amangeldi» seriktestikterinen 60 adam jumyldyryldy. Atalǵan saıdan shamamen 3 mıllıonǵa jýyq shabaq qutqarylyp, Qıǵash ózenine jiberildi» -dep habarlady óńirlik kommýnıkasııalar qyzmeti.