Nur Otan partııasy Saıası keńesi Bıýrosynyń otyrysy jumaǵa, ıaǵnı 28 tamyzǵa aýystyryldy. Bul týraly Baýyrjan Baıbek Twitter-degi jazbasynda málimdedi, dep habarlaıdy Egemen.kz
"Elbasy, partııa Tóraǵasy N.Á.Nazarbaev Saılaýaldy baǵdarlamany talqylaý barysynda Bıýro múshesi, Premer-Mınıstr A.U.Mamınge áleýmettik qamsyzdandyrý sharalaryn kúsheıtýdi, densaýlyq saqtaý salasynyń sapasyn arttyrýdy, jumys oryndaryn quryp, turǵyndar tabysyn yntalandyrýdy tapsyrdy", deıdi Baýyrjan Baıbek.
Sondaı-aq Baýyrjan Baıbektiń aıtýynsha, óńirlerdegi jastarǵa qoldaý kórsetýdiń naqty tetikteri arnaıy usynylýy tıis.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.