Aımaqta jyl basynan beri 157 jol-kólik oqıǵasy tirkelip, nátıjesinde 23 adam qaza taýyp, 214 adam túrli dárejedegi jaraqat alǵan. Bıyl 7 aı ishinde polısııa departamentine qarasty jol-tehnıkalyq ınspeksııasynyń mamandary avtokólik joldaryna myńǵa jýyq tekserý júrgizipti, - dep habarlaıdy Egemen.kz.
"Tekserý sharalarynyń qorytyndysy boıynsha 1014 kemshilik anyqtalyp, ony joıý týraly uıǵarym shyǵaryldy. Avtomobıl joldaryn qanaǵattanarlyq jaǵdaıda ustamaǵany jáne jol qozǵalysy qaýipsizdigin qamtamasyz etpegeni úshin 97 laýazymdy tulǵa jaýapqa tartylyp, 2639 100 teńge somasyna aıyppul salyndy. «QazAvtoJol» AQ Qostanaı oblystyq fılıaly, «Qazaqavtojol» JShS Qostanaı oblystyq fılıaly jáne Qostanaı oblysynyń jolaýshylar kóligi jáne avtomobıl joldary basqarmasy ókilderimen birlesip, oblysy aýmaǵy arqyly ótetin avtomobıl joldaryn keshendi tekserý josparlanýda", - dedi ákimshilik polısııa basqarmasynyń bastyǵy Andreı Grıgorevskıı.