Otandyq telearnalardaǵy sheteldik serıaldar men oıyn-saýyq baǵdarlamalar 30 paıyzǵa qysqarady. Bul týraly Aqparat jáne qoǵamdyq damý mınıstri Aıda Balaeva QR Prezıdenti Teleradıokesheniniń YouTube arnasyndaǵy "Balaevaǵa 3 suraq" baǵdarlamasynda aıtty, - dep habarlaıdy Egemen.kz.
"Telearnalarda jańa maýsymda birqatar ózgeris bolady. Mysaly, sheteldik serıaldar men oıyn-saýyq baǵdarlamalary 30 paıyzǵa qysqarady. Muny kórermender baıqaıdy degen oıdamyn. Bul serıaldar múlde bolmaıdy degen sóz emes. Iаǵnı, bul baǵytty qoldaıtyn aýdıtorııanyń da múddesi eskeriledi. Degenmen negizgi baǵyt analıtıkalyq jáne aǵartýshylyq kontentke basymdyq beriledi", - deı kele mınıstr "Elarna" telearnasy mádenıet jáne bilim salasynda aqparat taratatynyn aıtty.
Sonymen qatar ol Kazakh TV arnasynyń aty ózgertilýi múmkin ekenin sóz etti.
"Taǵy bir jańalyq, "Ál Farabı" arnasy iske qosylmaıdy. Qazirgi ekonomıkalyq jaǵdaıǵa baılanysty qolda bar resýrsty barynsha qoldaný kerek degen sheshim qabyldandy", - dedi A.Balaeva.