Almatyda buryn sottalǵan qylmystyq orta ókilderi bar 10 adamnan quralǵan qylmystyq top ustaldy. Ustalǵandar qarý qoldaný arqyly jasalǵan buzaqylyq, bopsalaý sekildi aýyr qylmystar jasady degen kúdikke ilindi, dep habarlaıdy Egemen.kz.
Polıseıler 21 sanksııalanǵan tintý júrgizip, zańsyz aınalymnan qarý-jaraq pen qoǵamdyq qaýipsizdikke qater tóndiretin ózge de zattardy tárkilegen. Máselen, kúdiktilerdiń biriniń turǵylyqty jerinen birneshe dana atys jáne travmatıkalyq qarý, onyń ishinde kesilgen myltyqtar men oq-dárileri bar Kalashnıkov avtomaty tabylǵan.
«Atalǵan avtomat Qańtar oqıǵasy kezinde Jambyl oblysy polısııa departamenti ǵımaratynan urlanǵan. Barlyq kúdikti ýaqytsha ustaý ızolıatoryna qamaldy. Sot olardy qamaýda ustaý túrindegi bultartpaý sharasyn sanksııalady», dedi IIM uıymdasqan qylmysqa qarsy kúres departamentiniń ókili Qýandyq Alpys.
Almatyda 700-ge jýyq sýyq qarý men tyıym salynǵan zattar tárkilendi
IIM buǵan deıin de zańsyz qarý aınalymyna qatysty kúresti kúsheıtetinin málimdegen bolatyn. Eske sala keteıik, buǵan deıin de Almaty oblysynan Qańtar oqıǵasyna qatysy bar 74 qarý-jaraq tabylǵan edi.