О́skemen qalasyndaǵy saıabaqtardyń birinen ataqty qazaq balýany, jattyqtyrýshy ári Olımpıada chempıony Jaqsylyq Úshkempirovke ornatylǵan músin joǵalyp ketti. Tas músinniń ǵaıyp bolýy kópshilikti alańdatyp qoıdy. Bul eskertkish byltyr ǵana ornatylǵan, dep habarlaıdy Egemen.kz.
Byltyr kóktem aıynda «Metallýrg» saıabaǵyna jańa eskertkish ornatylǵan. Alaıda músinde onyń kimge arnalǵany kórsetilmegen. Bir jyldan keıin músin joǵalyp, eskertkish turǵan tuǵyrtas qıraǵan kúıi qalǵan. Synǵan tastardy kórgen turǵyndar bul beı-bereketsizdikti áleýmettik jelige jarııalaǵan.
Qala ákimdigi músinniń saıabaq aýmaǵynyń ıdeologııalyq tujyrymdamasyna sáıkes kelmeı qalǵanyn málimdedi. Nelikten bul másele tek bir jyldan keıin anyqtalǵany naqtylanbady. Sondaı-aq eskertkishke qansha qarajat jumsalǵany da aıtylmady. Nátıjesinde músindi basqa jerge kóshirý týraly sheshim qabyldanǵan. Biraq naqty qaı jerge ornatylatyny ázirge belgisiz.
«Taqyryptyq birizdilikti saqtaý jáne sport qaýymdastyǵynyń usynystaryn eskere otyryp, qazirgi tańda ony basqa jerge ornatý máselesi qarastyrylyp jatyr. Qazirgi ýaqytta músin ákimdiktiń jaýapty saqtalýynda tur. Bul másele sport ardagerleri men eńbek sińirgen sport qaıratkerlerimen birlesip talqylanyp jatyr», deıdi О́skemen qalasy ákimdiginiń baspasóz qyzmeti.
Shanhaıdaǵy Pýshkın eskertkishi: Eki ret qıratylyp, qaıta turǵyzylǵan keshen týraly az-kem áńgime
Eske salaıyq, sońǵy ýaqytta áleýmettik jelilerde tanymal bolý maqsatynda tabıǵat pen tarıhı nysandardy búldirý jaǵdaılary jıilep ketti. Ishki ister mınıstrligi mundaı áreketter úshin qylmystyq jaýapkershilik qarastyrylǵanyn taǵy da eskertti.