Áleýmettik medısınalyq saqtandyrý qorynyń Nur-Sultan qalasy boıynsha fılıaly karantındik sharalarǵa baılanysty shekteýlerdi eskere otyryp, elorda turǵyndaryna medısınalyq qyzmetterdi qashyqtan qalaı alý kerektigin túsindiredi, dep habarlady atalǵan mekemeniń baspasóz qyzmeti.
Elordada medısınalyq qyzmetterdi qashyqtan qalaı alýǵa bolady?
Salalyq mamandardyń keńesteri, telemedısına arqyly konsýltasııalar, sondaı-aq rentgen túsirimderin qaıta oqý, elektrkardıogramma tańbalaryn túsindirý qyzmetteri endi qashyqtan qabyldaý kezinde de qoljetimdi.
Buryn qashyqtan keńes berý sozylmaly aýrýlary bar naýqastardy (ýchaskelik jalpy praktıka dárigeri, terapevt, pedıatr) dınamıkalyq baqylaý kezinde qoldanyldy. Qashyqtan medısınalyq qyzmet kórsetýdiń erekshelikteri 2020 jylǵy 17 shildeden bastap kúshine engen «Halyq densaýlyǵy jáne densaýlyq saqtaý júıesi týraly» kodekste (129-bap) aıqyndalǵan.
Zamanaýı tehnologııalar men túrli baılanys arnalary arqyly medısınalyq uıymdar pasıentterge qashyqtan qyzmet kórsetý múmkindigine ıe bolyp otyr. Aldaǵy ýaqytta qashyqtan kórsetiletin qyzmetter tizimi keńeıtiledi.
Dárigerdiń onlaın-keńesin qalaı alýǵa bolady?
1. О́z emhanańyzdyń Call-ortalyǵy arqyly nemese basqa baılanys arnalary, mobıldi qosymshalar (bar bolsa) arqyly dárigerdiń keńesine jazylý kerek.
2. Keńes berý kúni men ýaqytyn tańdaý kerek. Sonymen qatar salalyq mamannyń qabyldaýyna jazylý úshin aldymen ýchaskelik dárigerden joldama alý kerek, ıaǵnı eń aldymen terapevke/JPD-ǵa qabyldaý úshin ótinish berý kerek.
3. Tańdalǵan baılanys arnasy arqyly mamannan belgilengen ýaqytta qońyraý (aýdıo nemese vıdeo) kútińiz.
«Dárigerden keńes alý úshin emhanaǵa barýdyń qajeti joq. Dáriger keńesi naýqas qaı jerde bolsyn, qashyqtan qoljetimdi. Sonymen qatar dáriger dári-dármekterge resept jazyp bere alady. Syrqattama paraqshalaryn, zerthanalyq zertteýlerdiń, tekserýlerdiń nátıjelerin de kórýge bolady. Syrqattar men jaraqattardy dıagnostıkalaý, emdeý, medısınalyq ońaltý jáne aldyn alý úshin, zertteýler men baǵalaý úshin medısınalyq qyzmetter sıfrly tehnologııalar arqyly qashyqtan usynylady. Iаǵnı osy qyzmetterdi alý úshin emhanaǵa kelýdiń qajeti joq», deıdi «Áleýmettik medısınalyq saqtandyrý qory» KeAQ Nur-Sultan qalasy boıynsha fılıaly dırektorynyń orynbasary Aınagúl Dáýletshına.
Ýchaskelik dárigerdiń qashyqtan keńes berýi alǵashqy medısınalyq-sanıtarlyq kómek beretin medısınalyq uıymdardyń (emhanalardyń) jan basyna shaqqandaǵy normatıv tólemi sheńberinde TMKKK tizbesine, al salalyq mamandardyń konsýltasııalary, naqty kórsetilgen qyzmetteri (TMKKK boıynsha qyzmet kórsetiletin sozylmaly, áleýmettik máni bar jáne ınfeksııalyq aýrýlardan basqa) MÁMS paketine kiredi.
Qandaı da bir suraqtar týyndaǵan jaǵdaıda azamattar Medısınalyq saqtandyrý qorynyń Qoldau 24/7 mobıldi qosymshasy arqyly júgine alady.