Syr elinde jyl aıaǵyna deıin taǵy 3 óndiris orny ashylyp, 370-ke jýyq maman jumys ornyn tabady. Indýstrııalandyrý jobasy aıasynda iske asatyn óndiris oshaqtarynyń 2-ýi aýdanda, 1-i Qyzylorda qalasynda jumysyn bastaıdy, - dep habarlaıdy Egemen.kz oblys ákimdiginiń baspasóz qyzmetine silteme jasap.
Jyldyń aıaǵynda qýattylyǵy jylyna 4 myń tonna balyq óndeıtin jańa seh iske qosylady. Aral aýdanynda ornalasatyn óndiris orny "Balyqty tereńinen qaıta óńdeý zaýyty men plastıkalyq qaıyq jasaý sehi" dep atalady. Jobanyń jalpy quny 160 mln teńgeni quraıdy. Seh tolyqqandy iske qosylsa, 100-ge jýyq maman tartylyp, balyq óndeý isi jandanady.
Taǵy bir joba – Qarmaqshy aýdanynda qosylatyn qus fabrıkasy. Jylyna 1500 tonna qus etin óndiretin fabrıkanyń joba quny 1,9 mlrd teńge dep belgilengen. Et óniminiń úlesin kóbeıtý isimen 50-ge jýyq maman aınalyspaq.
Endi jańa 2021 jyldan bastap qyzylordalyqtar tabaqsha shyny shyǵaratyn zaýyt jumysymen tanysa alady. Jylyna 197,1 myń tonna tabaqsha shyny óndiretin zaýytta 200-den astam maman turaqty jumys kózin tabady.
О́ńirde munaı óndirý kóleminiń tómendeýimen baılanysty ónerkásip óndirý kólemi tómendegenimen, tamaq ónimderin óndirý 29,8%-ǵa, ózge metall emes mıneraldyq ónimder óndirisi 13,3 paıyzǵa, mashınalar men jabdyqtardy jóndeý jáne ornatý isi 10,7%-ǵa artqan.