Almaty oblysynda esirtki paıdalanǵany úshin tórt azamat ustaldy, dep habarlaıdy Egemen.kz
21 jáne 23 tamyzda Almaty oblysynyń ortalyǵynda qoǵamdyq oryndarda esirtki quraldaryn medısınalyq emes maqsatta paıdalanatyn adamdardy anyqtaý maqsatynda uıymdastyrylǵan jedel sharalar barysynda 27, 36, 39 jáne 42 jastaǵy tórt azamat ustaldy. Barlyq derekter boıynsha QR Qylmystyq kodeksiniń 296-babyna sáıkes sotqa deıingi tergeý amaldary bastaldy.
– Bul adamdardy bir-aq nárse biriktiredi. Olar qoǵamǵa jat ómir saltyn ustaıdy, sondaı-aq olar esh jerde jumys istemeıdi, kezdeısoq tabys tabý úshin ómir súredi. Degenmen, olar zańǵa qaıshy bolsa da, esirtkige qarajat tabýdyń joldaryn qalaıda tabady. Qoǵamdyq oryndarda esirtkini qoldaný – jastardy qylmystyq ortaǵa tartýdyń bir tásili ekenin eskere otyryp, kúdiktiler sot aldynda áreketteri úshin jaýap beredi. Olarǵa 80 AEK kóleminde aıyppul, 80 saǵatqa deıingi merzimge túzeý nemese qoǵamdyq jumystar nemese 20 táýlikke deıin qamaýǵa alý jazasy kózdelgen, – dep túıindedi Almaty oblysy PD Esirtki bıznesine qarsy is-qımyl basqarmasy bastyǵynyń orynbasary Aıan Isabekov.
Jyl basynan beri Taldyqorǵan qalasynda osyndaı 125 derek tirkelgen. О́tken jyly oblys kóleminde polısııa qyzmetkerleri esirtki zattaryn medısınalyq emes maqsatta tutynýdyń 214 deregin áshkerelese, bıyl 219 derek anyqtalǵan. Bul quqyq qorǵaý organdarynyń osy baǵyttaǵy jumystarynyń jandanǵanyn kórsetedi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.