Búgin tańǵy saǵat 05:58-de Túlkibas aýdany, Mashat aýylynan 4 shaqyrym jerde, respýblıkalyq mańyzy bar "Almaty-Tashkent-Termez" avtojolynyń 649-650 shaqyrymynda iri jol-kólik oqıǵasy boldy, dep habarlaıdy Egemen.kz
Oqıǵa ornyna dereý TJD qyzmetkerleri, polıseıler jáne jedel medısınalyq kómek brıgadalary shyqty.
"Almaty-Saryaǵash" baǵyty boıynsha kele jatqan "Yutong" markaly jolaýshylar avtobýsy rýldi basqara almaı, kıývetke qaraı aýdarylǵan. Salonda 34 adam bolǵan, onyń ishinde 7 bala bar.
Jol kólik oqıǵasynyń nátıjesinde 17 adam Saıram aýdandyq ortalyq aýrýhanasyna jetkizildi. Qazirgi tańda 6 adam jaraqattaryn emdeýde. Onyń ekeýi aýyr jaǵdaıda jatyr. Qalǵandary tekseristen keıin úılerine jiberiledi. Qaıtys bolǵandar joq.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.