Apta basynda ótken apparattyq keńeste qorǵanys vedomstvosynyń basshysy general-leıtenant Nurlan Ermekbaev mınıstrliktegi kadrlyq ózgerister týraly habarlap, Qorǵanys mınıstrligi Qarý-jaraqty baqylaý jáne ınspeksııalardy qamtamasyz etý ortalyǵynyń bastyǵy bolyp taǵaıyndalǵan polkovnık Ádil Bekovty tanystyrdy, - dep habarlaıdy Egemen.kz Qorǵanys mınıstrliginiń baspasóz qyzmetine silteme jasap.
Osyǵan deıin Aýmaqtyq qorǵanys departamenti bastyǵynyń mindetin atqarǵan polkovnık Rızat Qolpashev jáne RHB qorǵanys jáne ekologııalyq qaýipsizdik departamenti bastyǵynyń laýazymyn atqarǵan podpolkovnık Erjan Qulmaǵambetov osy qyzmetterge bekitildi.
Keńes barysynda QR Prezıdenti – QR Qarýly Kúshteriniń Joǵarǵy Bas Qolbasshysy tapsyrmalaryn oryndaý maqsatynda sybaılas jemqorlyqqa qarsy kúres máseleleri qaraldy.
"Sybaılas jemqorlyqqa baılanysty quqyq buzýshylyqtarǵa jol bermeý aıasynda barlyq tártip buzýshylardyń tikeleı basshylary áskerı ataqtary men burynǵy eńbekterine qaramastan jaýapqa tartylady. Halyqtyń áskerge degen senimi men eldi qorǵaýǵa degen rııasyz qabiletine nuqsan keltirmeý úshin Qarýly Kúshter qatary quqyq buzýshylyqtardan taza bolýy kerek", - dedi Nurlan Ermekbaev.
Qazirgi tańda Qarýly Kúshterde sybaılas jemqorlyq quqyq buzýshylyqtar boıynsha statıstıkanyń ósýi baıqalady. Bul osy saladaǵy qylmystyń ósýine ǵana baılanysty emes, sondaı-aq, anyqtaý prosesine baılanysty kózqarastyń ózgerýine qatysty bolyp otyr. Aǵymdaǵy jyldyń aqpan aıynda qol qoıylǵan memorandým negizinde ýákiletti organmen aqparat almasý júzege asyrylady. Jańa tásilderdi qoldana otyryp, aldyn alý sharalaryn qabyldap, osy baǵyttaǵy taldamalyq jumysty kúsheıtýge basa nazar aýdarylady.
Kún tártibindegi basty tarmaqtardyń biri Qarýly Kúshterdegi sanıtarlyq-epıdemıologııalyq jaǵdaı máselesi boldy. Karantındik sharalardyń qatań saqtalýynyń arqasynda jeke quramnyń koronavırýstyq ınfeksııamen syrqattaný jaǵdaılarynyń qysqarýyna qol jetkizildi.
Kún tártibiniń basty tarmaqtarynyń biri Qarýly Kúshterdegi sanıtarlyq-epıdemıologııalyq jaǵdaı máselesi boldy. Karantındik sharalardyń qatań saqtalýynyń arqasynda jeke quramnyń koronavırýstyq ınfeksııamen syrqattaný jaǵdaılarynyń qysqarýyna qol jetkizildi.
Apparattyq keńes barysynda ásker túrleriniń bas qolbasshylary, ásker tekteri men óńirlik qolbasshylyqtardyń qolbasshylary QR Qarýly Kúshteriniń jaýyngerlik ázirliginiń jaı-kúıi týraly jedel aqparat berdi.
Sondaı-aq Qarýly kúshterde qyrkúıek-jeltoqsan aılary aralyǵynda azamattardy kúzgi merzimdi áskerı qyzmetke shaqyrý jumystaryn júrgizý josparlanýda.
Ásker qataryna jańadan qabyldanǵandarmen jumys isteıtin laýazymdy adamdardan turatyn ákimshilik bólimshelerdegi oqý prosesin joǵary deńgeıde qamtamasyz etý úshin qabiletti, daıarlanǵan ofıserler men kelisimshart boıynsha serjanttar taǵaıyndalýy tıis.
Azamattardy merzimdi qyzmetke shaqyrý jónindegi barlyq is-sharalar sanıtarlyq-epıdemıologııalyq jaǵdaıdy eskere otyryp uıymdastyrylmaq.
Mınıstr jas býyndy shaqyrý bastalǵanǵa deıin kazarmalyq-turǵyn úı qoryn, monsha, kir jýý kombınattaryn, ashanalar men oqý-materıaldyq bazany qalypqa keltirýdi tapsyrdy.
Áskerı qalashyqtarǵa jaǵdaı jasaý, áskerı qyzmetshilerdiń ómiri men turmysyn uıymdastyrý, kazarmalyq qordy jóndeý syndy áleýmettik máselelerdi sheshý Qorǵanys mınıstriniń erekshe baqylaýynda.
Osyǵan baılanysty qorǵanys vedomstvosynyń basshysy Qaraǵandy qalasynyń áskerı bólimderiniń birinde sarbazdar ashanasyn jóndeý merzimin saqtamaǵany úshin Áskerlerdi páterlerge ornalastyrý bas basqarmasynyń bastyǵyn qatań synǵa aldy. Másele qyzmet kórsetýdiń sýbektisimen shartty buzý prosesinde bolyp otyr. Nurlan Ermekbaev ashanany jóndeý máselesin qysqa merzimde sheshýdi talap etti.
О́tken aptada Qarýly Kúshter qataryn kásibı kadrlarmen tolyqtyrý máselesin jalǵastyrý úshin Qazaqstan Respýblıkasy men Reseı Federasııasy áskerı oqý oryndaryna irikteý júrgizildi.
Buqaralyq aqparat quraldarynda Aqtóbe qalasynyń áýejaıy mańyndaǵy aýdan turǵyndarynan tikushaqtardyń eldi mekenderge jaqyn jerden ushatyndyǵy týraly shaǵymy jarııalandy.
Mamandar júrgizgen taldaý boıynsha baǵyttar zańnama talaptaryna sáıkes ázirlengenin jáne áýejaı janynda qalatynyn, sonymen qatar, ózgertilmeıtindigin kórsetti. Shekti bıiktikterde ushýlardy oryndaý qaladan 70-80 kılometr qashyqtyqta ornalasqan aımaqtarda júzege asyrylady. Aıta ketý kerek, onda eldi-mekender joq, qurylystar azamattyq avıasııa komıtetiniń ruqsatynsyz jáne kelisiminsiz salynǵan.
Vedomstvo basshysy Bas shtab pen Áskerı polısııa bas basqarmasynyń bastyǵyna quramalardy, áskerı bólimder men mekemelerdi táýliktik narıadta qyzmet atqarý sapasyna, kezekshilerdiń qyraǵylyǵy men shtattan tys (daǵdarystyq) jaǵdaılar týyndaǵan kezdegi is-qımyldarǵa daıyndyǵyna mán berýge, dıversııa men terrorızmge qarsy qorǵanysty uıymdastyrýǵa erekshe nazar aýdarý máseleleri boıynsha iriktep tekserýlerdi qolǵa alýdy tapsyrdy.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.