Bilim kúni qarsańynda Radıoelektronıka jáne baılanys áskerı-ınjenerlik ınstıtýtynyń jeke quramy "Mektepke jol" qaıyrymdylyq aksııasy aıasynda kópbalaly jáne az qamtamasyz etilgen otbasylarǵa qoldaý kórsetip, mektep jasyndaǵy balalarǵa kómek kórsetti, dep habarlaıdy Egemen.kz REjBÁII baspasóz qyzmetine silteme jasap.
Áskerı qyzmetshilerdiń otbasy múshelerimen jumys qyzmetiniń jetekshisi Symbat Júnisovanyń aıtýynsha, bıyl alǵash mektep tabaldyryǵyn attaǵaly otyrǵan bes balaǵa áskerı qyzmetshilerdiń demeýshiligimen mektepke qajetti qural-jabdyqtar tabystaldy.
Bul qaıyrymdylyq aksııasy bolǵannan keıin ár áskerı qyzmetshi kómekke muqtaj balalarǵa óz shama-sharqynsha kómek qolyn sozdy, biri dápter, sómke, endi biri qaǵaz, qaryndash sııaqty oqýǵa qajetti quraldardy alyp berdi, - dep atap ótti ol.Áseldiń otbasy tolyq emes, jalǵyz asyraýshysy – anasy. Sondyqtan mundaı kómek olar úshin úlken kómek.
Qaı jaǵynan kómek berse de biz úshin ol úlken qýanysh. Jaǵdaıymyzdy eskerip, kómek bergen jandarǵa aıtar alǵysym sheksiz, - deıdi jalǵyzbasty ana Gúlmıra.Radıoelektronıka jáne baılanys áskerı-ınjenerlik ınstıtýty túrli qaıyrymdylyq jobalarynan qalys qalǵan emes. Kópbalaly, az qamtamasyz etilgen otbasylarǵa, aýyr dertke shaldyqqan balalarǵa kómek kórsetýden bólek balalar úıindegi múgedek balalarǵa da demeýshilik kórsetip keledi.